17.07C Vancouver 17.07C VancouverAug 27, 2025 11:30 PM - Connect Newsroom
ਸਰੀ 'ਚ ਅੱਜ ਦੁਪਹਿਰ ਦੇ ਕਰੀਬ 134 ਸਟ੍ਰੀਟ ਅਤੇ 89ਏ ਐਵੀਨਿਊ ਦੇ ਇਲਾਕੇ 'ਚ ਗੋਲੀ ਚੱਲਣ ਦੀ ਕਥਿਤ ਵਾਰਦਾਤ ਵਾਪਰੀ ਹੈ।
ਰਿਪੋਰਟਸ ਅਨੁਸਾਰ ਗੋਲੀ ਇੱਕ ਘਰ 'ਤੇ ਚਲਾਈ ਗਈ ਹੈ। ਸਰੀ 'ਚ 3 ਦਿਨ ਵਿਚਾਲੇ ਗੋਲੀ ਚੱਲਣ ਦੀ ਇਹ ਦੂਜੀ ਵਾਰਦਾਤ ਹੈ।
ਇਸ ਤੋਂ ਪਹਿਲਾਂ ਸੋਮਵਾਰ ਨੂੰ ਜਾਣਕਾਰੀ ਮਿਲੀ ਸੀ ਕਿ ਯੌਰਕ ਸੈਂਟਰ 'ਚ ਸਿੱਧੂ ਟਰੈਵਲ ਨੂੰ ਸ਼ੂਟਿੰਗ ਦੀ ਵਾਰਦਾਤ ਦਾ ਨਿਸ਼ਾਨਾ ਬਣਾਇਆ ਗਿਆ ਹੈ।
ਅੱਜ ਦੀ ਸ਼ੂਟਿੰਗ ਸੰਬੰਧੀ ਵਾਰਦਾਤ ਸਮੇਤ ਸ਼ਹਿਰ 'ਚ ਲਾਅ ਐਂਡ ਔਰਡਰ ਦੇ ਵਿਗੜਦੇ ਹਾਲਾਤਾਂ ਸੰਬੰਧੀ ਅੱਜ ਸਰੀ ਪੁਲਿਸ ਸਰਵਿਸ ਦੇ ਮੁਖੀ, ਚੀਫ਼ ਕਾਂਸਟੇਬਲ ਨੌਰਮ ਲਿਪਿੰਸਕੀ ਨੂੰ ਕਨੈਕਟ ਐਫ.ਐਮ. ਦੇ ਦੁਪਹਿਰ ਵਾਲੇ ਸ਼ੋਅ 'ਚ ਤਿੱਖੇ ਸਵਾਲ ਕੀਤੇ ਗਏ।
ਜਦ ਪੁਲਿਸ ਮੁਖੀ ਨੂੰ ਪੁੱਛਿਆ ਕਿ ਸਰੀ ਵਿੱਚ ਬਣੇ ਲਾਅ ਐਂਡ ਔਰਡਰ ਸੰਬੰਧੀ ਹਾਲਾਤਾਂ ਬਾਰੇ ਲੋਕਾਂ ਦੀਆਂ ਚਿੰਤਾਵਾਂ ਅਤੇ ਐਕਸਟੌਰਸ਼ਨ ਸੰਬੰਧੀ ਘਟਨਾਵਾਂ ਬਾਰੇ ਉਨ੍ਹਾਂ ਦੇ ਕੀ ਵਿਚਾਰ ਹਨ ਤਾਂ ਉਨ੍ਹਾਂ ਆਖਿਆ ਕਿ, "ਅਜਿਹੇ ਹਾਲਾਤਾਂ ਦਾ ਸਾਹਮਣਾ ਬਰੈਂਪਟਨ ਅਤੇ ਐਡਮਿੰਟਨ ਨੇ ਵੀ ਕੀਤਾ ਹੈ ਅਤੇ ਸਰੀ 'ਚ ਇਹ ਮਾਮਲੇ ਨਵੇਂ ਹਨ ਅਤੇ ਮਾਮਲਿਆਂ ਸੰਬੰਧੀ ਕਾਲਸ ਵਿਦੇਸ਼ਾਂ ਤੋਂ ਆਉਂਦੀਆਂ ਹਨ ਜੋ ਇਸ ਨੂੰ ਗੁੰਝਲਦਾਰ ਬਣਾਉਂਦੀਆਂ ਹਨ", ਪਰ ਉਹ ਇਹ ਸਪਸ਼ਟ ਨਹੀਂ ਕਰ ਸਕੇ ਕਿ ਗੋਲੀਆਂ ਤਾਂ ਵਿਦੇਸ਼ਾਂ ਤੋਂ ਨਹੀਂ ਚਲਦੀਆਂ ਤਾਂ ਗ੍ਰਿਫਤਾਰੀਆਂ ਕਿਉਂ ਨਹੀਂ ਹੋ ਰਹੀਆਂ।
ਉਧਰ ਜਦ ਪੁਲਿਸ ਮੁਖੀ ਨੂੰ ਪੁੱਛਿਆ, ਕੀ ਉਹ ਸਰੀ ਨੂੰ ਰਹਿਣ ਲਈ ਸੁਰੱਖਿਅਤ ਸਮਝਦੇ ਹਨ ਤਾਂ ਉਨ੍ਹਾਂ ਮੰਨਿਆ ਕਿ, "ਸ਼ੂਟਿੰਗ ਦੀਆਂ ਲਗਾਤਾਰ ਵਾਪਰਦੀਆਂ ਘਟਨਾਵਾਂ ਸੰਬੰਧੀ ਲੋਕਾਂ ਦੇ ਫਿਕਰ ਵਾਜਿਬ ਹਨ ਪਰ ਫਿਰ ਵੀ ਸਰੀ ਰਹਿਣ ਲਈ ਸੁਰੱਖਿਅਤ ਸ਼ਹਿਰ ਹੈ।"
