ਸਰੀ ਦੇ ਇਕ ਇਲਾਕੇ ਵਿੱਚ ਚੱਲੀ ਗੋਲੀ, ਇਕ ਵਿਅਕਤੀ ਹੋਇਆ ਜ਼ਖ਼ਮੀ

ਸਰੀ ਦੇ ਬੀਅਰ ਕਰੀਕ ਪਾਰਕ ਇਲਾਕੇ ਵਿਚ ਗੋਲੀ ਚੱਲੀ ਹੈ, ਜਿਸ ਵਿਚ ਇੱਕ ਵਿਅਕਤੀ ਜ਼ਖ਼ਮੀ ਹੋਇਆ ਹੈ ਅਤੇ ਹਸਪਤਾਲ ਵਿਚ ਜ਼ੇਰੇ ਇਲਾਜ ਹੈ। ਪੁਲਿਸ ਮੁਤਾਬਕ, ਅੱਜ ਸਵੇਰੇ ਲਗਭਗ 6:00 ਵਜੇ ਐਸ.ਪੀ.ਐਸ. ਦੇ ਔਫੀਸਰ ਨੂੰ 88 ਐਵੇਨਿਊ ਦੇ 13700 ਬਲਾਕ ਨੇੜੇ ਬੀਅਰ ਕਰੀਕ ਪਾਰਕ ਵਿਚ ਗੋਲੀਆਂ ਚੱਲਣ ਦੀ ਸੂਚਨਾ ਮਿਲੀ।

ਪੁਲਿਸ ਨੇ ਤੁਰੰਤ ਪਾਰਕ ਅਤੇ ਆਸਪਾਸ ਦੇ ਘਰਾਂ ਦੀ ਤਲਾਸ਼ੀ ਲਈ ਪਰ ਕੋਈ ਪੀੜਤ ਜਾਂ ਸ਼ੂਟਰ ਨਹੀਂ ਮਿਲਿਆ। ਲਗਭਗ 6:30 ਵਜੇ ਹਸਪਤਾਲ ਦੇ ਸਟਾਫ ਨੇ ਸਰੀ ਪੁਲਿਸ ਸਰਵਿਸ ਨੂੰ ਸੂਚਿਤ ਕੀਤਾ ਕਿ ਇੱਕ ਵਿਅਕਤੀ ਗੋਲੀ ਲੱਗਣ ਕਾਰਨ ਐਮਰਜੈਂਸੀ ਵਿਚ ਪਹੁੰਚਿਆ ਹੈ।

ਡਾਕਟਰਾਂ ਨੇ ਉਸ ਦੀ ਹਾਲਤ ਖ਼ਤਰੇ ਤੋਂ ਬਾਹਰ ਦੱਸੀ ਹੈ। ਪੁਲਿਸ ਮੁਤਾਬਕ, ਉਹਨਾਂ ਵਲੋਂ ਪੀੜਤ ਕੋਲੋਂ ਪੁੱਛਗਿੱਛ ਕੀਤੀ ਜਾਣੀ ਹੈ ਅਤੇ ਫਰੰਟ ਲਾਈਨ ਔਫੀਸਰ ਉਸ ਅਸਲ ਥਾਂ ਦਾ ਪਤਾ ਲਗਾਉਣ ਲਈ ਕੰਮ ਕਰ ਰਹੇ ਹਨ ਜਿੱਥੇ ਇਹ ਸ਼ੂਟਿੰਗ ਦੀ ਵਾਰਦਾਤ ਹੋਈ ਹੈ। ਪੁਲਿਸ ਨੇ ਸਪੱਸ਼ਟ ਕੀਤਾ ਕਿਇਹ ਘਟਨਾ ਕਿਸੇ ਵੀ ਐਕਸਟੋਸ਼ਨ ਦੇ ਮਾਮਲੇ ਨਾਲ ਸਬੰਧਤ ਨਹੀਂ ਹੈ।