ਸਰੀ ਪੁਲਿਸ ਸਰਵਿਸ ਨੇ ਜੇਲ੍ਹ ਦੀਆਂ ਬੈਰਕਾਂ ਵਿਚ ਬਾਇਓਮੈਟ੍ਰਿਕ ਸਕੈਨਿੰਗ ਸੰਬੰਧੀ ਪਾਈਲਟ ਦੀ ਕੀਤੀ ਸ਼ੁਰੂਆਤ

ਸਰੀ ਪੁਲਿਸ ਸਰਵਿਸ ਨੇ ਜੇਲ੍ਹ ਦੀਆਂ ਬੈਰਕਾਂ ਵਿਚ ਮੁਲਜ਼ਮਾਂ ਦੀ ਸਿਹਤ ਅਤੇ ਸੇਫਟੀ ਦੀ ਨਿਗਰਾਨੀ ਲਈ $36,000 ਵਿਚ ਰਾਡਾਰ-ਅਧਾਰਿਤ ਬਾਇਓਮੈਟ੍ਰਿਕ ਸਕੈਨਰ ਦੀ ਸ਼ੁਰੂਆਤ ਕੀਤੀ ਹੈ। ਐਸ.ਪੀ.ਐਸ. ਨੇ ਕਿਹਾ ਕਿ ਉਸ ਨੇ ਮਾਰਚ 2025 ਵਿਚ ਇਹ ਪਾਇਲਟ ਪ੍ਰੋਜੈਕਟ ਲੌਂਚ ਕੀਤਾ ਸੀ। ਪੁਲਿਸ ਨੇ ਕਿਹਾ ਕਿ ਬਾਇਓਮੈਟ੍ਰਿਕ ਸਕੈਨਿੰਗ ਨਾਲ ਸੰਭਾਵਿਤ ਸਿਹਤ ਸੰਕਟ ਕਾਰਨ ਕਿਸੇ ਦੀ ਜਾਨ ਦੇ ਖਤਰੇ ਨੂੰ ਰੋਕਿਆ ਜਾ ਸਕਦਾ ਹੈ।

ਇਹ ਸਕੈਨਰ ਦਿਲ ਦੀ ਧੜਕਣ ਤੋਂ ਲੈ ਕੇ ਸਾਹ ਵਿਚ ਸਮੱਸਿਆ ਨੂੰ ਟ੍ਰੈਕ ਕਰ ਸਕਦੇ ਹਨ। ਐਸ.ਪੀ.ਐਸ. ਨੇ ਕਿਹਾ ਕਿ ਹਿਰਾਸਤ ਵਿਚ ਮੁਲਜ਼ਮ ਦੀ ਸੁਰੱਖਿਆ ਕਰਨਾ ਪੁਲਿਸ ਦੀ ਕਾਨੂੰਨੀ ਜ਼ਿੰਮੇਵਾਰੀ ਹੈ, ਇਸ ਲਈ ਸਰੀ ਪੁਲਿਸ ਸਰਵਿਸ -ਰੇਜੀਨਾ, ਵੈਨਕੂਵਰ ਅਤੇ ਵਿਨੀਪੈਗ ਪੁਲਿਸ ਸਮੇਤ ਹੋਰ ਕੈਨੇਡਾ ਭਰ ਦੀਆਂ ਪੁਲਿਸ ਏਜੰਸੀਆਂ ਦੀ ਤਰਜ਼ 'ਤੇ detention cells ਦੀ ਲਾਈਵ ਬਾਇਓਮੈਟ੍ਰਿਕ ਨਿਗਰਾਨੀ ਲਾਗੂ ਕਰ ਰਹੀ ਹੈ।

ਐਸਪੀਐਸ ਚੀਫ਼ ਕਾਂਸਟੇਬਲ ਨੌਰਮ ਲਿਪਿੰਸਕੀ ਨੇ ਕਿਹਾ ਕਿ ਇਹ ਕਦਮ ਨਾ ਸਿਰਫ ਕੈਦੀਆਂ ਦੇ ਪਰਿਵਾਰਾਂ ਦੀ ਫਿਕਰ ਨੂੰ ਘੱਟ ਕਰੇਗਾ ਸਗੋਂ ਸਾਡੇ ਮੈਂਬਰਾਂ ਨੂੰ ਵੀ ਤਸੱਲੀ ਪ੍ਰਦਾਨ ਕਰੇਗਾ।