ਸਰੀ ਵਿਚ ਪ੍ਰਾਪਰਟੀ ਅਤੇ ਰੋਡ ਟੈਕਸ ਵਿਚ ਹੋਣ ਜਾ ਰਿਹਾ ਹੈ ਵਾਧਾ

ਸਰੀ ਵਿਚ ਪ੍ਰਾਪਰਟੀ ਅਤੇ ਰੋਡ ਟੈਕਸ ਵਿਚ ਵਾਧਾ ਹੋਣ ਜਾ ਰਿਹਾ ਹੈ। ਸਿਟੀ ਵਲੋਂ ਪ੍ਰਾਪਰਟੀ ਟੈਕਸ ਵਿਚ 2.8 ਫੀਸਦੀ ਵਾਧਾ ਕਰਨ ਅਤੇ ਰੋਡ ਲੇਵੀ ਇੱਕ ਫੀਸਦੀ ਵਧਾਉਣ ਦਾ ਵਿਚਾਰ ਹੈ। ਮੇਅਰ ਬ੍ਰੈਂਡਾ ਲੌਕ ਨੇ ਕਿਹਾ ਕਿ ਇਹ ਸ਼ਾਇਦ ਸਰੀ ਵਿਚ ਪ੍ਰਾਪਰਟੀ ਟੈਕਸ ਵਿਚ ਹੁਣ ਤੱਕ ਦਾ ਸਭ ਤੋਂ ਘੱਟ ਵਾਧਾ ਹੋਵੇਗਾ।

ਮੇਅਰ ਨੇ ਕਿਹਾ ਕਿ ਇਸ ਅਨਿਸ਼ਚਿਤਤਾ ਦੇ ਮਾਹੌਲ ਵਿਚ ਸ਼ਹਿਰ ਦਾ ਨਿਰਮਾਣ ਅਤੇ ਸਹੂਲਤਾਂ ਵੀ ਜ਼ਰੂਰੀ ਹਨ। ਇਸ ਲਈ ਅਸੀਂ ਇਸ ਵਾਧੇ ਨੂੰ ਜਿੰਨਾ ਹੋ ਸਕੇ ਘੱਟ ਰੱਖਣ ਦੀ ਕੋਸ਼ਿਸ਼ ਕੀਤੀ ਹੈ।

ਮੇਅਰ ਬ੍ਰੈਂਡਾ ਲੌਕ ਨੇ ਕਿਹਾ ਕਿ ਆਮ ਲੋਕ ਇਸ ਪ੍ਰਸਤਾਵ 'ਤੇ 11 ਅਪ੍ਰੈਲ ਤੱਕ ਟਿੱਪਣੀ ਕਰ ਸਕਣਗੇ। ਇਸ ਤੋਂ ਬਾਅਦ ਇਹ 14 ਅਪ੍ਰੈਲ ਨੂੰ ਸ਼ੁਰੂਆਤੀ ਰੀਡਿੰਗ ਲਈ ਵਿੱਤੀ ਕਮੇਟੀ ਕੋਲ ਜਾਵੇਗਾ। ਉਨ੍ਹਾਂ ਉਮੀਦ ਜਤਾਈ ਕਿ ਸਿਟੀ ਕੌਂਸਲ ਵਿਚ 28 ਅਪ੍ਰੈਲ ਨੂੰ ਇਹ ਪ੍ਰਸਤਾਵ ਪਾਸ ਹੋ ਸਕਦਾ ਹੈ।