21.76C Vancouver 21.76C VancouverJun 17, 2020 10:31 PM -
ਸਰੀ 'ਚ ਇੱਕ ਔਰਤ ਦੀ ਮੌਤ ਦੇ ਮਾਮਲੇ ਨੂੰ ਪੁਲਿਸ ਵੱਲੋਂ ਸ਼ੱਕੀ ਦੱਸਿਆ ਜਾ ਰਿਹਾ ਹੈ।
ਇਸ ਔਰਤ ਨੂੰ ਸਰੀ ਮੈਮੋਰੀਅਲ ਹਸਪਤਾਲ ਦੇ ਕੋਲ ਅੱਜ ਸਵੇਰੇ ਛੱਡਿਆ ਗਿਆ ਸੀ।
ਔਰਤ ਨੂੰ ਗੰਭੀਰ ਸੱਟਾਂ ਲੱਗੀਆਂ ਹੋਈਆਂ ਸਨ। ਹਾਲਾਂਕਿ ਅਫ਼ਸਰਾਂ ਵੱਲੋਂ ਇਹ ਸਪਸ਼ਟ ਨਹੀਂ ਕੀਤਾ ਗਿਆ ਹੈ ਕਿ ਸੱਟਾਂ ਕਿਵੇਂ ਲੱਗੀਆਂ।
ਔਰਤ ਨੇ ਹਸਪਤਾਲ 'ਚ ਦਮ ਤੋੜ ਦਿੱਤਾ ਹੈ। ਹਸਪਤਾਲ ਨੇ ਪੁਲਿਸ ਨੂੰ ਔਰਤ ਬਾਰੇ ਸੂਚਿਤ ਕੀਤਾ ਸੀ।
ਪੁਲਿਸ ਵੱਲੋਂ 168 ਸਟ੍ਰੀਟ ਅਤੇ 28 ਐਵੀਨਿਊ ਦੇ ਇਲਾਕੇ 'ਚ ਵੀ ਜਾਂਚ ਕੀਤੀ ਜਾ ਰਹੀ ਹੈ, ਜਿੱਥੇ ਕਿ ਔਰਤ ਦੇ ਅੱਜ ਸਵੇਰੇ ਜਾਂ ਮੰਗਲਵਾਰ ਸ਼ਾਮ ਨੂੰ ਉਪਸਥਿਤ ਰਹਿਣ ਦਾ ਸ਼ੱਕ ਹੈ।
ਗੰਭੀਰ ਸੱਟਾਂ ਵਿਚਾਲੇ ਔਰਤ ਨੂੰ ਹਸਪਤਾਲ 'ਚ ਇਲਾਜ ਪ੍ਰਦਾਨ ਕੀਤਾ ਜਾ ਰਿਹਾ ਸੀ, ਪਰ ਇਲਾਜ ਦੌਰਾਨ ਉਸ ਨੇ ਦਮ ਤੋੜ ਦਿੱਤਾ।
