12.31C Vancouver 12.31C VancouverMar 25, 2021 7:33 PM -
ਐਲਬਰਟਾ 'ਚ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਬੀ.ਸੀ. ਦੀ ਇੱਕ ਔਰਤ ਨੇ 2,50,000 ਡਾਲਰ ਤੋਂ ਵਧੇਰੇ ਦੀ ਠੱਗੀ ਮਾਰੀ ਹੈ।
ਮਾਮਲਾ ਇੱਕ ਅਜਿਹੀ ਸਕੀਮ ਨਾਲ ਸੰਬੰਧਤ ਦੱਸਿਆ ਗਿਆ ਹੈ ਜਿੱਥੇ ਗਲਤ ਟਰੈਵਲ ਵਾਊਚਰ ਦਿੱਤੇ ਜਾਂਦੇ ਸਨ।
ਏਅਰਡਰੀ ਆਰ.ਸੀ.ਐਮ.ਪੀ. (Airdrie RCMP) ਦਾ ਕਹਿਣਾ ਹੈ ਕਿ ਉਨ੍ਹਾਂ 40 ਸਾਲਾ ਐਲਿਕਸੈਂਡਰਾ ਬੈਕੋ (Alexandra Beckow) ਨੂੰ ਗ੍ਰਿਫਤਾਰ ਕੀਤਾ ਹੈ।
ਜਾਣਕਾਰੀ ਦਿੱਤੀ ਗਈ ਕਿ ਦੋਸ਼ਾਂ ਦਾ ਸਾਹਮਣਾ ਕਰ ਰਹੀ ਔਰਤ ਸਰੀ ਦੀ ਹੈ ਅਤੇ ਉਸ ਨੂੰ 18 ਮਹੀਨੇ ਦੀ ਜਾਂਚ ਤੋਂ ਬਾਅਦ ਗ੍ਰਿਫਤਾਰ ਕੀਤਾ ਗਿਆ ਹੈ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਪੀੜਤ ਲੋਕਾਂ ਦੀ ਸ਼ਿਕਾਇਤ ਸੀ ਕਿ ਉਨ੍ਹਾਂ ਬੈਕੋ ਤੋਂ ਟਰੈਵਲ ਵਾਊਚਰ ਖਰੀਦੇ ਸਨ, ਜਾਂ ਉਨ੍ਹਾਂ ਦੇ ਕਰੈਡਿਟ ਕਾਰਡਸ 'ਤੇ ਗਲਤ ਪੈਸੇ ਵਸੂਲੇ ਗਏ ਸਨ।
ਪੁਲਿਸ ਅਨੁਸਾਰ ਇਸ ਮਾਮਲੇ 'ਚ 47 ਪੀੜਤਾਂ ਦਾ ਪਤਾ ਲੱਗਾ ਹੈ ਜੋ ਕਿ ਐਲਬਰਟਾ, ਬੀ.ਸੀ. ਅਤੇ ਔਂਟੈਰੀਓ ਦੇ ਵੱਖੋ-ਵੱਖਰੇ ਇਲਾਕਿਆਂ ਤੋਂ ਹਨ।
