13.85C Vancouver 13.85C VancouverAug 26, 2020 9:26 PM -
ਵਿਸਕੌਨਸਿਨ ਦੇ ਕੇਨੋਸ਼ਾ 'ਚ 29 ਸਾਲਾ ਜੇਕ ਬਲੇਕ ਨਾਮ ਦੇ ਯੁਵਕ 'ਤੇ ਪੁਲਿਸ ਵੱਲੋਂ ਚਲਾਈਆਂ ਗਈਆਂ 7 ਗੋਲੀਆਂ ਦਾ ਮਾਮਲਾ ਹੁਣ ਵੱਡੇ ਪ੍ਰਦਰਸ਼ਨਾਂ 'ਚ ਤਬਦੀਲ ਹੋ ਗਿਆ ਹੈ।
ਇਲਾਕੇ 'ਚ 'ਬਲੈਕ ਲਾਈਵਜ਼ ਮੈਟਰ' ਦੇ ਪ੍ਰਦਰਸ਼ਨ ਜ਼ੋਰ ਫੜ੍ਹ ਰਹੇ ਹਨ ਅਤੇ ਇਨ੍ਹਾਂ ਪ੍ਰਦਰਸ਼ਨਾਂ ਨੇ ਹਿੰਸਕ ਰੂਪ ਅਖਤਿਆਰ ਕਰ ਲਿਆ ਹੈ।
ਇਲੀਨੌਏ ਦੇ ਐਂਟੀਔਕ 'ਚ ਅਜਿਹੇ ਪ੍ਰਦਰਸ਼ਨਾਂ ਦੌਰਾਨ ਗੋਲੀ ਚੱਲੀ ਅਤੇ ਦੋ ਲੋਕਾਂ ਦੀ ਮੌਤ ਹੋ ਗਈ, ਜਦਕਿ ਇੱਕ ਵਿਅਕਤੀ ਗੰਭੀਰ ਜ਼ਖਮੀ ਹੋ ਗਿਆ ਹੈ।
ਇਸ ਮਾਮਲੇ 'ਚ ਇੱਕ ਟੀਨੇਜਰ ਲੜਕੇ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਇੱਕ ਸੈੱਲਫੋਨ 'ਤੇ ਬਣਾਈ ਵੀਡੀਓ 'ਚ ਇੱਕ ਯੁਵਕ ਨੂੰ ਸੈਮੀ-ਔਟੋਮੈਟਿਕ ਬੰਦੂਕ ਨਾਲ ਗੋਲੀਆਂ ਚਲਾਉਂਦੇ ਵੇਖਿਆ ਜਾ ਸਕਦਾ ਹੈ, ਅਤੇ ਅੱਗੇ ਉਹ ਕਹਿੰਦਾ ਸੁਣਾਈ ਦਿੰਦਾ ਹੈ, "I just killed somebody" ਯਾਨੀ, "ਮੈਂ ਹੁਣੇ ਕਿਸੇ ਨੂੰ ਮਾਰ ਦਿੱਤਾ ਹੈ।"
ਯੁਵਕ ਦੀ ਉਮਰ 17 ਸਾਲ ਦੱਸੀ ਗਈ ਹੈ। ਇਸੇ ਵੀਡੀਓ 'ਚ ਇਸ ਬੰਦੂਕਧਾਰੀ ਵਿਅਕਤੀ ਨੂੰ ਬਾਅਦ 'ਚ ਪੁਲਿਸ ਦੇ ਕੋਲੋਂ ਤੁਰ ਕੇ ਲੰਘਦੇ ਵੇਖਿਆ ਜਾ ਸਕਦਾ ਹੈ, ਜਦ ਕੋਲ ਖੜੇ ਲੋਕ ਰੌਲਾ ਪਾ ਰਹੇ ਸਨ ਕਿ ਇਸ ਨੂੰ ਗ੍ਰਿਫਤਾਰ ਕਰੋ ਇਸ ਨੇ ਕਿਸੇ ਨੂੰ ਗੋਲੀ ਮਾਰ ਦਿੱਤੀ ਹੈ।
