11.69C Vancouver 11.69C VancouverMay 13, 2020 10:40 PM -
ਮੈਟਰੋ ਵੈਨਕੂਵਰ ਟ੍ਰਾਂਜ਼ਿਟ ਪੁਲਿਸ ਵੱਲੋਂ ਇੱਕ ਵਿਅਕਤੀ ਦੀ ਭਾਲ ਕੀਤੀ ਰਹੀ ਸੀ, ਜਿਸ ਨੇ ਬੀਤੇ ਮਹੀਨੇ ਬੱਸ ਵਿੱਚ ਇੱਕ ਔਰਤ 'ਤੇ ਹਮਲਾ ਕਰ ਦਿੱਤਾ ਸੀ।
ਟ੍ਰਾਂਜ਼ਿਟ ਪੁਲਿਸ ਵੱਲੋਂ ਜਾਣਕਾਰੀ ਦਿੱਤੀ ਗਈ ਹੈ ਕਿ ਸ਼ੱਕੀ ਵਿਅਕਤੀ ਦੀ ਡਰੱਗ ਓਵਰਡੋਜ਼ ਕਾਰਨ ਮੌਤ ਹੋ ਗਈ ਹੈ।
ਦੱਸਿਆ ਗਿਆ ਕਿ ਸ਼ੱਕੀ ਵਿਅਕਤੀ ਦੀ ਘਟਨਾ ਤੋਂ ਕਰੀਬ ਇੱਕ ਹਫ਼ਤੇ ਬਾਅਦ ਹੀ ਮੌਤ ਹੋ ਗਈ ਸੀ।
ਮੰਗਲਵਾਰ ਨੂੰ ਮਾਮਲੇ ਸੰਬੰਧੀ ਜਾਣਕਾਰੀ ਦਿੰਦੇ ਹੋਏ ਸ਼ੱਕੀ ਦੀ ਤਸਵੀਰ ਵੀ ਜਾਰੀ ਕੀਤੀ ਸੀ।
ਇਸ ਵਿਅਕਤੀ ਦੀ ਪਛਾਣ ਇਲਾਕੇ ਦੇ ਇੱਕ 48 ਸਾਲਾ ਵਿਅਕਤੀ ਦੇ ਤੌਰ 'ਤੇ ਹੋਈ ਹੈ, ਜਿਸਦੇ ਰਹਿਣ ਦਾ ਕੋਈ ਪੱਕਾ ਪਤਾ (address) ਨਹੀਂ ਸੀ।
ਔਰਤ 'ਤੇ ਹਮਲੇ ਸੰਬੰਧੀ ਜਿਸ ਘਟਨਾ ਨੂੰ ਲੈਕੇ ਇਸ ਸ਼ੱਕੀ ਵਿਅਕਤੀ ਦੀ ਭਾਲ ਕੀਤੀ ਜਾ ਰਹੀ ਸੀ, ਉਹ ਘਟਨਾ 15 ਅਪ੍ਰੈਲ ਨੂੰ ਵੈਨਕੂਵਰ 'ਚ ਇੱਕ ਬੱਸ 'ਚ ਵਾਪਰੀ ਸੀ।
ਪੂਰੇ ਮਾਮਲੇ ਦੀ ਸ਼ੁਰੂਆਤ ਉਸ ਵੇਲੇ ਹੋਈ ਸੀ ਜਦ ਬੱਸ ਵਿੱਚ ਦੋ ਏਸ਼ੀਅਨ ਮੂਲ ਦੀਆਂ ਔਰਤਾਂ ਸਵਾਰ ਹੋਈਆਂ ਸਨ, ਜਿੰਨਾ ਮਾਸਕ ਪਹਿਨੇ ਹੋਏ ਸਨ।
ਪੁਲਿਸ ਵੱਲੋਂ ਦਿੱਤੀ ਜਾਣਕਾਰੀ ਅਨੁਸਾਰ, ਇਸ ਵਿਅਕਤੀ ਨੇ ਇੱਕ ਔਰਤ ਨੂੰ ਕਿਹਾ, "ਆਪਣੇ ਦੇਸ਼ ਵਾਪਿਸ ਜਾਓ, ਉੱਥੋਂ ਹੀ ਇਸ ਸਭ ਦੀ ਸ਼ੁਰੂਆਤ ਹੋਈ ਹੈ।"
ਪੁਲਿਸ ਦਾ ਕਹਿਣਾ ਹੈ ਕਿ ਸ਼ੱਕੀ ਵਿਅਕਤੀ ਨੇ ਪਹਿਲਾਂ ਏਸ਼ੀਅਨ ਔਰਤਾਂ ਨੂੰ ਟਿੱਪਣੀਆਂ ਦਾ ਨਿਸ਼ਾਨਾ ਬਣਾਇਆ ਅਤੇ ਜਦ ਇੱਕ ਔਰਤ ਨੇ ਉਨ੍ਹਾਂ ਦਾ ਬਚਾਅ ਕਰਨ ਦੀ ਕੋਸ਼ਿਸ਼ ਕੀਤੀ ਤਾਂ ਉਸ ਔਰਤ ਨੂੰ ਲੱਤ ਮਾਰੀ ਅਤੇ ਉਸ 'ਤੇ ਮੁੱਕਿਆਂ ਨਾਲ ਹਮਲਾ ਕੀਤਾ।
ਜਲਦੀ ਹੀ ਇਹ ਸ਼ੱਕੀ ਬੱਸ ਤੋਂ ਉੱਤਰ ਗਿਆ ਅਤੇ ਮੌਕੇ ਤੋਂ ਭੱਜ ਗਿਆ ਸੀ।
