15.31C Vancouver 15.31C VancouverNov 3, 2021 12:41 AM - Connect News
ਬਰਨਬੀ 'ਚ ਇੱਕ ਸਕਾਈਟਰੇਨ ਸਵਾਰੀ 'ਤੇ ਕਥਿਤ ਤੌਰ 'ਤੇ ਹੋਏ ਹਮਲੇ ਦੀ ਘਟਨਾ 'ਚ ਕਰੀਬ ਇੱਕ ਮਹੀਨੇ ਬਾਅਦ 2 ਲੋਕਾਂ ਦੀ ਗ੍ਰਿਫਤਾਰੀ ਹੋਈ ਹੈ।
ਸਵਾਰੀ ਨੇ ਕਥਿਤ ਤੌਰ 'ਤੇ 2 ਮਾਸਕ ਨਾ ਪਹਿਨਣ ਵਾਲੀਆਂ ਸਵਾਰੀਆਂ ਨੂੰ ਸਵਾਲ ਕੀਤਾ ਸੀ ਜਿਸ ਤੋਂ ਬਾਅਦ ਸਵਾਲ ਕਰਨ ਵਾਲੀ ਔਰਤ 'ਤੇ ਹਮਲਾ ਕਰ ਦਿੱਤਾ ਗਿਆ ਸੀ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਘਟਨਾ 20 ਸਿਤੰਬਰ ਨੂੰ ਵਾਪਰੀ ਸੀ।
ਪ੍ਰੋਵਿੰਸ਼ੀਅਲ ਹੈਲਥ ਆਰਡਰ ਅਨੁਸਾਰ ਪਬਲਿਕ ਟ੍ਰਾਂਜ਼ਿਟ 'ਤੇ ਸਵਾਰੀ ਕਰਦੇ ਹੋਏ ਮਾਸਕ ਪਹਿਨਣਾ ਲਾਜਮੀ ਹੈ।
ਮਾਸਕ ਪਹਿਨਣ ਦੇ ਸਵਾਲ 'ਤੇ ਇੱਕ ਸਵਾਰੀ ਨੇ ਕਥਿਤ ਤੌਰ 'ਤੇ ਔਰਤ ਨੂੰ ਪੁੱਛਿਆ ਕਿ ਸਾਡੇ ਮਾਸਕ ਦੀ ਤੁਹਾਨੂੰ ਕੀ ਫਿਕਰ ਹੈ?
ਇਸ ਤੋਂ ਬਾਅਦ ਦੂਜੀ ਸਵਾਰੀ ਨੇ ਔਰਤ 'ਤੇ ਹਮਲਾ ਕੀਤਾ।
ਅੱਜ ਪੁਲਿਸ ਨੇ ਜਾਣਕਾਰੀ ਦਿੱਤੀ ਕਿ ਮਾਮਲੇ 'ਚ ਇੱਕ 19 ਸਾਲਾ ਔਰਤ ਅਤੇ ਇੱਕ 25 ਸਾਲਾ ਆਦਮੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਕਾਂਸਟੇਬਲ ਮਾਈਕ ਯੇਕ ਨੇ ਕਿਹਾ ਕਿ ਝਗੜਾ ਚਾਹੇ ਕੁਝ ਵੀ ਰਿਹਾ ਹੋਵੇ ਪਰ ਹਿੰਸਾ ਕਰਨ ਵਾਲੇ ਦੀ ਜਿੰਮੇਵਾਰੀ ਤੈਅ ਕਰਨਾ ਜਰੂਰੀ ਹੈ।
