13.2C Vancouver 13.2C VancouverNov 3, 2021 10:35 PM - Connect News
ਬੀ.ਸੀ. 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ ਸ਼ੱਕੀ ਵਾਹਨ ਦੀ ਤਲਾਸ਼ੀ ਦੇ ਦੌਰਾਨ ਵੱਡੀ ਮਾਤਰਾ 'ਚ ਸ਼ਰਾਬ ਬਰਾਮਦ ਹੋਈ ਹੈ।
ਮਾਮਲਾ 27 ਅਕਤੂਬਰ ਦਾ ਦੱਸਿਆ ਗਿਆ ਹੈ।
ਰਾਤ ਕਰੀਬ 11.50 ਵਜੇ ਬੀ.ਸੀ. ਹਾਈਵੇਅ ਪੈਟਰੋਲ ਦੇ ਟਰੈਫਿਕ ਸੇਫਟੀ ਯੂਨਿਟ ਨੇ ਇੱਕ ਸ਼ੱਕੀ ਵਾਹਨ ਦੀ ਜਾਂਚ ਕੀਤੀ।
ਇਹ ਵਾਹਨ ਬੀ.ਸੀ. ਦੇ ਰੈਵਲਸਟੋਕ ਦੇ ਇਲਾਕੇ 'ਚ ਓਵਰਨਾਈਟ ਪਾਰਕਿੰਗ ਏਰੀਆ 'ਚ ਖੜਾ ਸੀ।
ਪੁਲਿਸ ਨੇ ਵੇਖਿਆ ਕਿ ਟਿਓਟਾ ਮਿਨੀਵੈਨ 'ਚ ਚਾਲਕ ਦੇ ਪਿੱਛੇ ਵਾਲੀਆਂ ਸੀਟਾਂ ਹਟਾਈਆਂ ਹੋਈਆਂ ਸਨ ਅਤੇ ਇਸ 'ਚ ਬਕਸੇ ਧਰੇ ਹੋਏ ਸਨ ਅਤੇ ਬਕਸਿਆਂ ਨੂੰ ਇੱਕ ਕੰਬਲ ਨਾਲ ਢਕਿਆ ਹੋਇਆ ਸੀ।
ਇਸ ਵੈਨ ਦੇ ਮਾਲਿਕ ਇੱਕ ਆਦਮੀ ਅਤੇ ਇੱਕ ਔਰਤ ਨੂੰ ਪੁਲਿਸ ਨੇ ਸਵਾਲ ਕੀਤੇ ਅਤੇ ਇਸੇ ਦੌਰਾਨ ਪਤਾ ਲੱਗਿਆ ਕਿ ਕੈਲਗਰੀ ਤੋਂ ਵਾਸਤਾ ਰੱਖਣ ਵਾਲੇ ਇਹ ਦੋਵੇਂ ਲੋਕ ਲੋਅਰ ਮੇਨਲੈਂਡ 'ਚ ਅਪਰਾਧਿਕ ਗਤੀਵਿਧੀ 'ਚ ਸ਼ਾਮਿਲ ਰਹੇ ਹਨ।
ਇਸ ਤੋਂ ਬਾਅਦ ਵੈਨ ਦੀ ਤਲਾਸ਼ੀ ਲਈ ਗਈ ਤਾਂ $11,000 ਦੇ ਕਰੀਬ ਕੈਸ਼ ਬਰਾਮਦ ਹੋਇਆ।
ਇਸ ਤੋਂ ਇਲਾਵਾ ਕੋਕੇਨ ਅਤੇ ਫੈਂਟਾਨਿਲ ਦੀ ਛੋਟੀ ਮਾਤਰਾ ਬਰਾਮਦ ਹੋਈ।
ਇਸ ਦੇ ਨਾਲ ਹੀ ਐਲਬਰਟਾ ਤੋਂ ਖਰੀਦੀ ਗਈ ਹਾਈ ਕਵਾਲਿਟੀ ਦੀ ਸ਼ਰਾਬ ਬਰਾਮਦ ਹੋਈ ਜਿਸ ਦੀ ਕੀਮਤ ਕਰੀਬ $1,00,000 ਮੰਨੀ ਜਾ ਰਹੀ ਹੈ।
ਮੰਨਿਆ ਜਾ ਰਿਹਾ ਹੈ ਕਿ ਇਸ ਸ਼ਰਾਬ ਨੂੰ ਗੈਰਕਨੂੰਨੀ ਕਸੀਨੋਸ ਅਤੇ ਹੋਰ ਅਜਿਹੀਆਂ ਥਾਵਾਂ 'ਤੇ ਵੇਚਿਆ ਜਾਣਾ ਸੀ।
ਦੋਵਾਂ ਲੋਕਾਂ ਨੂੰ ਵਧੇਰੇ ਜਾਂਚ ਤਕ ਰਿਹਾਅ ਕਰ ਦਿੱਤਾ ਗਿਆ ਸੀ।
