18.78C Vancouver 18.78C VancouverSep 26, 2025 6:41 PM - The Canadian Press
ਬੀ.ਸੀ.ਸਰਕਾਰ ਅਤੇ ਪਬਲਿਕ ਸਰਵਿਸ ਵਰਕਰ ਦੀ ਨੁਮਾਇੰਦਗੀ ਕਰਨ ਵਾਲੀ ਯੂਨੀਅਨ ਵਿਚਕਾਰ ਗੱਲਬਾਤ 29 ਸਤੰਬਰ ਨੂੰ ਮੁੜ ਸ਼ੁਰੂ ਹੋ ਰਹੀ ਹੈ।ਬੀ.ਸੀ. ਜਨਰਲ ਇੰਪਲਾਈਜ਼ ਯੂਨੀਅਨ ਦੇ ਪ੍ਰਧਾਨ ਪਾਲ ਫਿੰਚ ਨੇ ਕਿਹਾ ਕਿ ਸਰਕਾਰ ਨੇ ਉਨ੍ਹਾਂ ਨਾਲ ਸੰਪਰਕ ਕੀਤਾ ਅਤੇ ਕਿਹਾ ਹੈ ਕਿ ਉਨ੍ਹਾਂ ਕੋਲ ਇੱਕ ਨਵੀਂ ਪੇਸ਼ਕਸ਼ ਹੈ, ਜਿਸ 'ਤੇ ਸੋਮਵਾਰ ਨੂੰ ਗੱਲਬਾਤ ਦੁਬਾਰਾ ਸ਼ੁਰੂ ਹੋਵੇਗੀ।
ਹਾਲਾਂਕਿ, ਫਿੰਚ ਨੇ ਐਲਾਨ ਕੀਤਾ ਕਿ ਨਵਾਂ ਸਮਝੌਤਾ ਹੋਣ ਤੱਕ ਯੂਨੀਅਨ ਮੈਂਬਰ ਦੇ ਧਰਨੇ ਅਤੇ ਓਵਰਟਾਈਮ ਬੈਨ ਜਾਰੀ ਰਹਿਣਗੇ। ਬੀ.ਸੀ. ਜਨਰਲ ਇੰਪਲਾਈਜ਼ ਯੂਨੀਅਨ ਦੇ ਹਜ਼ਾਰਾਂ ਮੈਂਬਰ ਲਗਭਗ ਇੱਕ ਮਹੀਨੇ ਤੋਂ ਹੜਤਾਲ 'ਤੇ ਹਨ ਅਤੇ ਇਸ ਹਫ਼ਤੇ ਇਸ ਨੇ ਜੌਬ ਐਕਸ਼ਨ ਦੀ ਕਾਰਵਾਈ ਲਗਾਤਾਰ ਵਧਾਈ ਹੈ, ਜਿਸ ਵਿਚ 15,000 ਵਰਕਰ ਸ਼ਾਮਲ ਹੋ ਚੁੱਕੇ ਹਨ।
ਬੀ.ਸੀ.ਜੀ.ਈ.ਯੂ. ਦੇ ਪ੍ਰਧਾਨ ਨੇ ਕਿਹਾ ਕਿ ਪਬਲਿਕ ਸਰਵਿਸ ਵਰਕਰ ਦੀਆਂ ਤਨਖਾਹਾਂ ਸੂਬੇ ਵਿਚ ਵਧ ਰਹੀ ਮਹਿੰਗਾਈ ਦੇ ਨਾਲ ਮੇਲ ਖਾਂਦੀਆਂ ਨਹੀਂ ਵਧੀਆਂ ਹਨ, ਗੌਰਤਲਬ ਹੈ ਕਿ ਦੋਵਾਂ ਧਿਰਾਂ ਵਿਚਾਲੇ ਗੱਲਬਾਤ ਦਾ ਪਿਛਲਾ ਦੌਰ ਜੁਲਾਈ 2025 ਵਿਚ ਟੁੱਟ ਗਿਆ ਸੀ।
