18.05C Vancouver 18.05C VancouverOct 1, 2021 9:28 AM -
ਸਰਕਾਰੀ ਸੂਤਰਾਂ ਮੁਤਾਬਕ, ਟਾਟਾ ਸੰਨਸ ਨੇ ਕੌਮੀ ਵਾਹਕ ਏਅਰ ਇੰਡੀਆ ਦੀ ਆਖ਼ਰੀ ਬੋਲੀ ਜਿੱਤ ਲਈ ਹੈ।
ਸੂਤਰਾਂ ਮੁਤਾਬਕ, ਕੇਂਦਰ ਸਰਕਾਰ ਦੇ ਮੰਤਰੀਆਂ ਦੇ ਸਮੂਹ ਦੇ ਮੁਖੀ, ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਕੌਮੀ ਏਅਰਲਾਈਨ ਲਈ ਜਿੱਤਣ ਵਾਲੀ ਬੋਲੀ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।
ਕੇਂਦਰੀ ਵਿੱਤ ਮੰਤਰੀ ਨਿਰਮਲਾ ਸੀਥਾਰਮਨ, ਵਣਜ ਮੰਤਰੀ ਪਿਯੂਸ਼ ਗੋਇਲ ਅਤੇ ਹਵਾਬਾਜ਼ੀ ਮੰਤਰੀ ਜ੍ਯੋਤਿਰਾਦਿੱਤੇਆ ਸਿੰਧੀਆ ਵੀ ਇਸ ਕਮੇਟੀ ਦੇ ਮੈਂਬਰ ਸਨ।
ਦੱਸਣਯੋਗ ਹੈ ਕਿ ਸ਼ਾਹ ਦੀ ਅਗਵਾਈ ਵਾਲੀ ਵਜ਼ਾਰਤ ਕਮੇਟੀ ਤੋਂ ਮਨਜ਼ੂਰੀ ਤੋਂ ਬਾਅਦ, ਹੁਣੇ ਹੋਈ ਬੈਠਕ ਵਿੱਚ ਬੋਲੀ ਲਾਉਣ ਵਾਲਿਆਂ ਨੂੰ ਸ਼ੇਅਰ ਖ਼ਰੀਦ ਸਮਝੌਤਾ (ਐੱਸਪੀਏ) ਦਿੱਤਾ ਗਿਆ ਸੀ ਅਤੇ ਹੁਣ ਆਖ਼ਰੀ ਕਾਰਵਾਈ, ਰਸਮੀ ਐਲਾਨ ਤੋਂ ਬਾਅਦ ਸ਼ੁਰੂ ਹੋਵੇਗੀ।
"ਇਹ ਟਰਾਂਸਫਰ ਦੀ ਕਾਰਵਾਈ ਐੱਸਪੀਏ ਦੇ ਨਾਲ ਸ਼ੁਰੂ ਹੋਵੇਗੀ ਅਤੇ ਇਸਦਾ ਟੀਚਾ, ਏਅਰਲਾਈਨ ਨੂੰ ਤਕਰੀਬਨ ਚਾਰ ਮਹੀਨਿਆਂ ਵਿੱਚ ਇਸਦੇ ਨਵੇਂ ਮਾਲਕਾਂ ਨੂੰ ਪੂਰੀ ਤਰਾਂ ਸੌਂਪਣ ਦਾ ਹੈ,"ਮਹਿਕਮੇ ਦੇ ਇੱਕ ਅਫ਼ਸਰ ਨੇ ਆਖਿਆ।
"ਮਾਨਤਾ ਪ੍ਰਾਪਤ ਬੋਲੀ ਧਾਰਕ ਨੂੰ ਬੋਲੀ ਦੀ ਘੱਟੋ-ਘੱਟ 15 ਫ਼ੀਸਦ ਰਕਮ ਜਮਾ ਕਰਾਉਣੀ ਪਵੇਗੀ,"ਅਧਿਕਾਰੀ ਨੇ ਆਖਿਆ।
ਜ਼ਿਕਰਯੋਗ ਹੈ ਕਿ ਇਹ ਵੇਖਣ ਤੋਂ ਬਾਅਦ ਕਿ ਬੋਲੀ ਧਾਰਕ ਬੋਲੀ ਤੋਂ ਪਹਿਲਾਂ ਤੈਅ ਕੀਤੀ ਕੀਮਤ ਬਾਰੇ ਨਹੀਂ ਜਾਣਦੇ, ਏਅਰ ਇੰਡੀਆ ਦੀ ਕੀਮਤ ਨਿਰਧਾਰਿਤ ਸੀ।
ਦਰਅਸਲ, ਜਦੋਂ ਨਿਰਧਾਰਿਤ ਮੁੱਲ ਦੀ ਗੱਲ ਆਉਂਦੀ ਹੈ ਤਾਂ ਇਸਨੂੰ ਪੂਰੀ ਤਰਾਂ ਗੁਪਤ ਰੱਖਿਆ ਜਾਂਦਾ ਹੈ।
ਸਰਕਾਰ ਏਅਰ ਇੰਡੀਆ ਵਿੱਚ ਆਪਣਾ 100 ਫ਼ੀਸਦ ਹਿੱਸਾ ਵੰਡੇਗੀ, ਏਅਰ ਇੰਡੀਆ ਐਕਸਪ੍ਰੈਸ ਅਤੇ 50 ਫ਼ੀਸਦ ਹਿੱਸਾ ਜ਼ਮੀਨੀ ਕੰਮਾਂ ਨੂੰ ਸਾਂਭਣ ਦੀ ਕੰਪਨੀ ਏਆਈਐੱਸਏਟੀਐੱਸ ਵਿੱਚ।
