15.68C Vancouver 15.68C VancouverJun 25, 2020 8:30 PM -
ਵਪਾਰਾਂ ਅਤੇ ਕਰਮਚਾਰੀਆਂ ਦੇ ਨੁਮਾਇੰਦਿਆਂ ਨਾਲ ਗੱਲਬਾਤ ਤੋਂ ਬਾਅਦ, ਬੀ.ਸੀ. ਸਰਕਾਰ ਨੇ ਟੈਂਪਰੇਰੀ ਲੇਆਫਸ ਨੂੰ ਅੱਗੇ ਵਧਾਉਣ ਦੀ ਜਾਣਕਾਰੀ ਦਿੱਤੀ ਹੈ।
ਇਸ ਨੂੰ 24 ਹਫ਼ਤੇ ਤੱਕ ਵਧਾਉਣ ਦਾ ਐਲਾਨ ਕਰ ਦਿੱਤਾ ਗਿਆ ਹੈ।
ਕੋਵਿਡ-19 ਕਾਰਨ ਬਣੇ ਹਾਲਾਤਾਂ ਦੇ ਕਾਰਨ ਇਹ ਫੈਸਲਾ ਲਿਆ ਗਿਆ ਹੈ।
ਇਸ ਦੀ ਮਿਆਦ 30 ਅਗਸਤ ਨੂੰ ਖਤਮ ਹੋਣ ਜਾ ਰਹੀ ਹੈ।
ਲੇਬਰ ਮੰਤਰੀ, ਹੈਰੀ ਬੈਂਸ ਅਨੁਸਾਰ ਇਸ ਵਾਧੇ ਦੇ ਨਾਲ ਮਾਲਕਾਂ ਅਤੇ ਕਰਮਚਾਰੀਆਂ ਨੂੰ ਵਿੱਤੀ ਰਿਕਵਰੀ ਦੇ ਦੌਰ ਵਿੱਚ ਕੁਝ ਨਿਸ਼ਚਿਤਤਾ ਅਤੇ ਲਚਕਤਾ ਪ੍ਰਦਾਨ ਹੋ ਸਕੇਗੀ। ਇਸ ਦੇ ਨਾਲ ਮਾਲਕਾਂ ਅਤੇ ਕਰਮਚਾਰੀਆਂ ਨੂੰ ਕਿਸੇ ਲੇਆਫ ਨੂੰ ਵਧਾਉਣ ਦੇ ਸਮੇਂ, ਕਰਾਰ ਤੱਕ ਪਹੁੰਚਣ 'ਚ ਵੀ ਆਸਾਨੀ ਹੋ ਸਕੇਗੀ।
ਹੈਰੀ ਬੈਂਸ ਨੇ ਕਿਹਾ ਕਿ, ਸਾਡਾ ਉਦੇਸ਼ ਮਾਲਕਾਂ ਅਤੇ ਕਰਮਚਾਰੀਆਂ ਵਿਚਾਲੇ ਚੰਗਾ ਸੰਪਰਕ ਬਣਾਉਣਾ ਹੈ, ਜਿੰਨਾ ਦੀ ਕਿ ਸਾਂਝੀ ਦਿਲਚਸਪੀ ਹੈ ਅਤੇ ਦੋਨੋਂ ਬੀ.ਸੀ. ਦੀ ਵਿੱਤੀ ਰਿਕਵਰੀ 'ਚ ਯੋਗਦਾਨ ਪਾਉਣ ਵਾਲੇ ਹਨ।
ਇਸ ਦੇ ਨਾਲ ਉਨ੍ਹਾਂ ਮਾਲਕਾਂ ਨੂੰ ਕੁਝ ਸਮਾਂ ਮਿਲ ਸਕੇਗਾ, ਜੋ ਅਜੇ ਪੂਰੇ ਆਪ੍ਰੇਸ਼ਨ ਸ਼ੁਰੂ ਨਹੀਂ ਕਰਨ ਜਾ ਰਹੇ, ਪਰ ਸਰਕਾਰ ਨੂੰ ਉਮੀਦ ਹੈ ਕਿ ਪੂਰੇ ਆਪ੍ਰੇਸ਼ਨ ਸ਼ੁਰੂ ਹੋਣ 'ਤੇ ਇਹ ਵਪਾਰ ਆਪਣੇ ਲੇਆਫ ਕੀਤੇ ਕਾਮਿਆਂ ਨੂੰ ਵਾਪਿਸ ਕੰਮ 'ਤੇ ਬੁਲਾਉਣਗੇ।
ਬੀ.ਸੀ. ਐਂਪਲਾਇਮੈਂਟ ਸਟੈਂਡਰਡਸ ਐਕਟ ਦੇ ਸੈਕਸ਼ਨ 72 ਨੂੰ ਕੈਨੇਡਾ 'ਚ ਇੱਕ ਅਜਿਹਾ ਨਿਵੇਕਲਾ ਔਜ਼ਾਰ ਦੱਸਿਆ ਗਿਆ ਹੈ, ਜਿਸ ਦੇ ਆਸਰੇ ਮਾਲਕ ਅਤੇ ਕਰਮਚਾਰੀ, ਐਂਪਲਾਇਮੈਂਟ ਸਟੈਂਡਰਡ ਬ੍ਰਾਂਚ ਨੂੰ ਇੱਕ ਸਾਂਝੀ ਅਰਜ਼ੀ ਦੇ ਕੇ ਟੈਂਪਰੇਰੀ ਲੇਆਫ ਨੂੰ ਵਧਾ ਸਕਦੇ ਹਨ।
