11.48C Vancouver 11.48C VancouverNov 28, 2023 8:02 PM - The Canadian Press
ਕੰਜ਼ਰਵੇਟਿਵ ਨੇਤਾ ਨੇ SOGI ਨੂੰ ਲੈ ਕੇ ਨਿੱਕੀ ਸ਼ਰਮਾ ਵੱਲੋਂ ਲਗਾਏ ਦੋਸ਼ਾਂ ਨੂੰ ਕੀਤਾ ਰੱਦ
ਬੀਸੀ ਦੇ ਇੱਕ ਕੰਜ਼ਰਵੇਟਿਵ ਨੇਤਾ ਵੱਲੋਂ ਉਨ੍ਹਾਂ ਦੋਸ਼ਾ ਨੂੰ ਰੱਦ ਕੀਤਾ ਜਾ ਰਿਹਾ ਹੈ ਜਿਸ ਵਿੱਚ ਕਿਹਾ ਗਿਆ ਹੈ ਕਿ ਉਹ ਐੱਸ ਓ ਜੀ ਆਈ ਵਜੋਂ ਜਾਣੇ ਜਾਂਦੇ ਜਿਨਸੀ ਝੁਕਾਅ ਅਤੇ ਲਿੰਗ ਪਹਿਚਾਣ ਬਾਰੇ ਸਕੂਲੀ ਪ੍ਰੋਗਰਾਮਾਂ ਦੇ ਵਿਰੋਧ ਨਾਲ ਨਫ਼ਰਤ ਭਰੀ ਰਾਜਨੀਤੀ ਕਰ ਰਿਹਾ ਹੈ। ਜੌਨ ਰੁਸਟੈਡ ਸੋਮਵਾਰ ਨੂੰ ਅਟਾਰਨੀ ਜਨਰਲ ਨਿੱਕੀ ਸ਼ਰਮਾ ਵੱਲੋਂ ਹਫਤੇ ਦੇ ਅਖੀਰ ਵਿੱਚ ਹੋਏ ਇੱਕ ਹਾਈਵੇਅ ਚੇਸ ਬਾਰੇ ਕੀਤੀਆਂ ਟਿੱਪਣੀਆਂ ਦਾ ਜਵਾਬ ਦੇ ਰਹੇ ਸਨ। ਜਦੋਂ ਜਿਨਸੀ ਝੁਕਾਅ ਅਤੇ ਲਿੰਗ ਪਹਿਚਾਣ ਵਿਰੋਧ ਪ੍ਰਦਰਸ਼ਨ ਦੇ ਝੰਡੇ ਵਾਲਾ ਇੱਕ ਟਰੈਕਟਰ ਪੁਲਿਸ ਦੀ ਕਾਰ ਨਾਲ ਟਕਰਾ ਗਿਆ ਅਤੇ ਪਲਟ ਗਿਆ ਸੀ। ਸ਼ਰਮਾ ਨੇ ਕਿਹਾ ਕਿ ਇਹ ਇੱਕ ਚਿੰਤਾਜਨਕ ਘਟਨਾ ਹੈ ਅਤੇ ਰੁਸਟੈਡ ਦੀ ਪਾਰਟੀ ਇਸ ਮੁੱਦੇ ਨੂੰ ਲੈ ਕੇ ਖਤਰਨਾਕ ਵਿਰੋਧ ਪ੍ਰਦਰਸ਼ਨ ਲਈ ਜ਼ਿੰਮੇਵਾਰ ਹੈ। ਦੂਜੇ ਪਾਸੇ ਰੁਸਟੈਡ ਦਾ ਕਹਿਣਾ ਹੈ ਕਿ ਮਾਪੇ ਜਿਨਸੀ ਝੁਕਾਅ ਅਤੇ ਲਿੰਗ ਪਹਿਚਾਣ ਬਾਰੇ ਚਿੰਤਾਵਾਂ ਉਠਾਉਣ ਲਈ ਸਹੀ ਹਨ। ਉਨ੍ਹਾਂ ਨੇ ਕਿਹਾ ਕਿ ਸਿੱਖਿਆ ਪ੍ਰਣਾਲੀ ਨੂੰ ਪੜ੍ਹਾਈ 'ਤੇ ਮੁੜ ਧਿਆਨ ਦੇਣਾ ਚਾਹੀਦਾ ਹੈ ਅਤੇ ਸਮਾਜਿਕ ਮੁੱਦਿਆਂ ਨੂੰ ਪਰਿਵਾਰਾਂ 'ਤੇ ਛੱਡ ਦੇਣਾ ਚਾਹੀਦਾ ਹੈ।
