17.32C Vancouver 17.32C VancouverMar 6, 2020 6:26 PM -
ਫੈਡਰਲ ਸਰਕਾਰ ਵਲੋਂ ਕੋਵਿੱਡ-19 ਵਾਇਰਸ ਦੀ ਰਿਸਰਚ ਵਾਸਤੇ ਫੰਡਿੰਗ ਵਿੱਚ ਵਾਧੇ ਦਾ ਐਲਾਨ ਕੀਤਾ ਗਿਆ ਹੈ।
ਹੈਲਥ ਮਨਿਸਟਰ ਪੈਟੀ ਹਾਇਡੂ ਮੁਤਾਬਕ ਕੈਨੇਡਾ ਵੱਲੋਂ ਇਹ ਫੰਡਿੰਗ, 7 ਮਿਲੀਅਨ ਡਾਲਰ ਤੋਂ ਵਧਾ ਹੁਣ 27 ਮਿਲੀਅਨ ਡਾਲਰ ਕਰ ਦਿੱਤੀ ਗਈ ਹੈ।
ਹਾਇਡੂ ਦਾ ਕਹਿਣਾ ਹੈ ਕਿ ਇਸ ਰਕਮ ਦੀ ਵਰਤੋਂ 47 ਰਿਸਰਚ ਟੀਮਾਂ ਵੱਲੋਂ ਵਾਇਰਸ ਦਾ ਇਲਾਜ ਲੱਭਣ ਅਤੇ ਇਸ ਨਾਲ ਸਬੰਧਤ ਅਹਿਮ ਜਾਣਕਾਰੀ ਇਕੱਠੀ ਕਰਨ ਵਾਸਤੇ ਕੀਤੀ ਜਾਵੇਗੀ।
ਓਨਟਾਰੀਓ ਦੇ ਵਿੱਚ ਵਾਇਰਸ ਦੇ 4 ਨਵੇਂ ਕੇਸ ਸਾਹਮਣੇ ਆਏ ਹਨ ਜਿਨ੍ਹਾਂ ਨਾਲ ਸੂਬੇ ਵਿੱਚ ਪੀੜਤ ਵਿਅਕਤੀਆਂ ਦੀ ਗਿਣਤੀ ਹੁਣ 26 ਹੋ ਗਈ ਹੈ।
ਇੱਕ ਨਵੇਂ ਕੇਸ ਵਿੱਚ ਪੀੜਤ ਹਾਲ ਹੀ ਵਿੱਚ ਲਾਸ ਵੇਗਸ ਤੋਂ ਟੋਰਾਂਟੋ ਵਾਪਸ ਆਇਆ ਸੀ।
ਅਧਿਕਾਰੀਆਂ ਮੁਤਾਬਕ ਟੈਸਟ ਹੋਣ ਤੋਂ ਪਹਿਲਾਂ ਉਸ ਨੇ ਕਈ ਦਿਨਾਂ ਤੱਕ ਟੋਰਾਂਟੋ ਵਿੱਚ ਪਬਲਿਕ ਟਰਾਂਜ਼ਿਟ ਦਾ ਇਸਤੇਮਾਲ ਕੀਤਾ।
ਸਿਹਤ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਜੋ ਯਾਤਰੀ ਟਰਾਂਜ਼ਿਟ ਦੀ ਵਰਤੋਂ ਕਰਦੇ ਹਨ ਅਤੇ ਜਿਨ੍ਹਾਂ ਵਿੱਚ ਕੋਈ ਵੀ ਨਿਸ਼ਾਨੀਆਂ ਨਹੀਂ ਹਨ ਨੂੰ ਸਿਹਤ ਸੰਭਾਲ ਦੀ ਕੋਈ ਲੋੜ ਨਹੀਂ ਹੈ। ਬ੍ਰਿਟਿਸ਼ ਕੋਲੰਬੀਆ ਦੇ ਵਿੱਚ 8 ਨਵੇਂ ਕੇਸਾਂ ਦੀ ਪੁਸ਼ਟੀ ਵੀਰਵਾਰ ਨੂੰ ਕੀਤੀ ਗਈ ਸੀ ਜਿਨ੍ਹਾਂ ਵਿੱਚੋਂ ਇੱਕ ਔਰਤ ਨਾਂ ਤਾਂ ਬਾਹਰੋਂ ਸਫ਼ਰ ਕਰਕੇ ਆਈ ਅਤੇ ਨਾਂ ਹੀ ਕਿਸੇ ਮਰੀਜ਼ ਨਾਲ ਸੰਪਰਕ ਦੇ ਵਿੱਚ ਆਈ ਮੰਨੀ ਜਾਂਦੀ ਹੈ।
ਕੈਨੇਡਾ ਵਿੱਚ ਕੋਵਿੱਡ-19 ਦੇ 51 ਕੇਸ ਹੁਣ ਤੱਕ ਸਾਹਮਣੇ ਆਏ ਹਨ।
