30.85C Vancouver 30.85C VancouverJan 27, 2021 8:31 PM -
ਬੀ.ਸੀ. 'ਚ ਸਿਹਤ ਮੰਤਰਾਲੇ ਦਾ ਕਹਿਣਾ ਹੈ ਕਿ ਅਜਿਹੇ ਕਦਮ ਚੁੱਕੇ ਜਾਣਗੇ ਕਿ ਜਿਸ ਦੇ ਨਾਲ ਕੋਵਿਡ-19 ਵੈਕਸੀਨ ਹਾਸਿਲ ਕਰਨ ਦੇ ਇੱਛੁਕ ਲੋਕ ਕਤਾਰ ਤੋੜ ਕੇ ਪਹਿਲਾਂ ਪਹੁੰਚਣ 'ਚ ਕਾਮਯਾਬ ਨਾ ਹੋ ਸਕਣ।
ਜਦ ਆਮ ਲੋਕਾਂ ਲਈ ਵੈਕਸੀਨ ਦੇਣੀ ਸ਼ੁਰੂ ਹੋਵੇਗੀ ਤਾਂ ਉਸ ਵੇਲੇ ਇਹ ਕਦਮ ਚੁੱਕੇ ਜਾਣਗੇ।
ਮੰਤਰਾਲੇ ਦਾ ਕਹਿਣਾ ਹੈ ਕਿ ਇਸ ਪ੍ਰੀਕਿਰਿਆ 'ਚ ਫੇਜ਼ 3 ਅਤੇ ਫੇਜ਼ 4 ਦੇ ਦੌਰਾਨ ਆਪਣੀ ਉਮਰ ਅਤੇ ਬੀ.ਸੀ. 'ਚ ਰੈਜ਼ੀਡੈਂਸ ਦਾ ਸਬੂਤ ਦੇਣਾ ਸ਼ਾਮਿਲ ਕੀਤਾ ਜਾਵੇਗਾ।
ਇਹ ਵੀ ਦੱਸਿਆ ਗਿਆ ਕਿ ਬੀ.ਸੀ. 'ਚ ਕੋਈ ਵੀ ਪਹਿਲਾਂ ਰਿਜਿਸਟਰ ਨਹੀਂ ਕਰ ਸਕੇਗਾ, ਜਦ ਤੱਕ ਕਿ ਉਨ੍ਹਾਂ ਦੀ ਉਮਰ ਦੀ ਕੈਟੇਗਰੀ ਦੀ ਵਾਰੀ ਸ਼ੁਰੂ ਨਹੀਂ ਹੋ ਜਾਂਦੀ।
ਇਹ ਸਭ ਉਸ ਵੇਲੇ ਕਿਹਾ ਜਾ ਰਿਹਾ ਹੈ ਜਦ ਸੂਬੇ 'ਚ ਗ੍ਰੇਟ ਕਨੇਡੀਅਨ ਗੇਮਿੰਗ ਦੇ ਸਾਬਕਾ ਸੀ.ਈ.ਓ. ਰੌਡਨੀ ਬੇਕਰ ਦੀ ਹਰਕਤ ਸੁਰਖੀਆਂ 'ਚ ਹੈ।
55 ਸਾਲਾ ਬੇਕਰ ਅਤੇ ਉਸ ਦੀ 32 ਸਾਲਾ ਪਤਨੀ ਐਕਤਰਿਨਾ ਬੇਕਰ ਦੇ ਸੈਲਫ-ਆਈਸੋਲੇਸ਼ਨ ਦੇ ਨਿਯਮਾਂ ਦੀ ਉਲੰਘਣਾ ਕਰ ਯੂਕੌਨ ਦੀ ਯਾਤਰਾ ਕਰਨ ਅਤੇ ਫਿਰ ਕੋਵਿਡ-19 ਸ਼ੌਟ ਹਾਸਿਲ ਕਰਨ ਦਾ ਮਾਮਲਾ ਸਾਹਮਣੇ ਆਉਣ ਤੋਂ ਬਾਅਦ, ਇਸ ਹਰਕਤ ਦੀ ਕਾਫੀ ਆਲੋਚਨਾ ਹੋ ਰਹੀ ਹੈ।
