12.32C Vancouver 12.32C VancouverOct 9, 2025 2:09 PM - The Canadian Press
ਬੀ.ਸੀ. ਦੇ ਓਕਾਨਾਗਨ ਵੈਲੀ 'ਚ ਪੈਂਦੇ ਪੀਚਲੈਂਡ 'ਚ ਅੱਜ ਤੜਕੇ ਇਕ ਬੈਂਕ ਦੇ ਏਟੀਐਮ 'ਚ ਚੋਰੀ ਦੀ ਘਟਨਾ ਨੂੰ ਅੰਜ਼ਾਮ ਦਿੱਤਾ ਗਿਆ। ਅਧਿਕਾਰੀਆਂ ਮੁਤਾਬਕ ਇਸ ਦੌਰਾਨ ਕਾਫ਼ੀ ਨੁਕਸਾਨ ਹੋਇਆ ਹੈ। ਅਧਿਕਾਰੀਆਂ ਨੂੰ ਪੀਚਲੈਂਡ ਦੇ ਕਲੇਮੈਂਟਸ ਕ੍ਰੇਸੈਂਟ ਦੇ 5500 ਬਲੌਕ 'ਚ ਸਵੇਰੇ ਕਰੀਬ ਸਾਢੇ ਚਾਰ ਵਜੇ ਕਿਸੇ ਸ਼ਰਾਰਤ ਦੀ ਸੂਚਨਾ ਮਿਲਣ ਤੇ ਘਟਨਾ ਸਥਾਨ ਤੇ ਬੁਲਾਇਆ ਗਿਆ ਸੀ।
ਵੈਸਟ ਕੈਲੋਨਾ ਆਰ.ਸੀ.ਐਮ.ਪੀ.ਮੁਤਾਬਕ ਪੁਲਿਸ ਨੇ ਪਹੁੰਚ ਕੇ ਦੇਖਿਆ ਕਿ ਸ਼ੱਕੀਆਂ ਨੇ ਬਿਲਡਿੰਗ ਦੀ ਸਾਈਡ ਤੋਂ ਏਟੀਐਮ ਡਿਪਾਜ਼ਿਟ ਬੌਕਸ ਨੂੰ ਹਟਾਉਣ ਲਈ ਇਕ ਫਰੰਟ ਐਂਡ ਲੋਡਰ ਅਤੇ ਇਕ ਪਿਕਅਪ ਟਰੱਕ ਦਾ ਇਸਤੇਮਾਲ ਕੀਤਾ ਸੀ।
ਪੁਲਿਸ ਨੇ ਦੋਵੇਂ ਵਾਹਨ ਅਤੇ ਡਿਪਾਜ਼ਿਟ ਬੌਕਸ ਨੇੜੇ ਹੀ ਲਾਵਾਰਸ ਹਾਲਤ 'ਚ ਮਿਲੇ। ਪਰ ਸ਼ੱਕੀਆਂ ਦਾ ਪਤਾ ਨਹੀਂ ਲੱਗ ਸਕਿਆ। ਵੈਸਟ ਕੈਲੋਨਾ ਆਰ.ਸੀ.ਐਮ.ਪੀ.ਦੇ ਬੁਲਾਰੇ ਕਾਰਪੋਰਲ ਡੇਵੋਨ ਗੈਰਿਟਸ ਨੇ ਕਿਹਾ ਕਿ ਇਹ ਇਕ ਖ਼ਤਰਨਾਕ ਘਟਨਾ ਕਾਰਨਾਮਾ ਸੀ ਜਿਸ ਨਾਲ ਬਿਜ਼ਨਸ ਨੂੰ ਕਾਫ਼ੀ ਨੁਕਸਾਨ ਪਹੁੰਚਿਆ ਹੈ।
