ਲੈਥਬ੍ਰਿਜ ਦੇ ਅਪਾਰਟਮੈਂਟ ਵਿਚ ਨੌਜਵਾਨ ਦੀ ਮੌਤ ਦੇ ਮਾਮਲੇ ਵਿੱਚ ਪੁਲਿਸ ਨੇ ਕੀਤੀ ਇਕ ਹੋਰ ਗ੍ਰਿਫ਼ਤਾਰੀ

ਲੈਥਬ੍ਰਿਜ ਦੇ ਇਕ ਅਪਾਰਟਮੈਂਟ ਵਿਚ 27 ਸਾਲਾ ਨੌਜਵਾਨ ਦੀ ਮੌਤ ਦੇ ਮਾਮਲੇ ਵਿੱਚ ਪੁਲਿਸ ਨੇ ਇਕ ਹੋਰ ਗ੍ਰਿਫ਼ਤਾਰੀ ਕੀਤੀ ਹੈ। ਪੁਲਿਸ ਦਾ ਮੰਨਣਾ ਹੈ ਕਿ ਇਹ ਟਾਰਗੇਟਿਡ ਹਮਲਾ ਸੀ ਅਤੇ ਸ਼ਾਮਲ ਸਾਰੇ ਵਿਅਕਤੀ ਇੱਕ-ਦੂਜੇ ਨੂੰ ਪਹਿਲਾਂ ਤੋਂ ਜਾਣਦੇ ਸਨ।ਸ਼ੁੱਕਰਵਾਰ ਸਵੇਰੇ ਲਗਭਗ 6:30 ਵਜੇ, ਐਮਰਜੈਂਸੀ ਟੀਮਾਂ ਨੂੰ 7ਏ ਐਵੇਨਿਊ ਸਾਊਥ ਦੇ 200 ਬਲੌਕ ਵਿੱਚ ਸਥਿਤ ਇੱਕ ਬਿਲਡਿੰਗ ਵਿੱਚ ਬੁਲਾਇਆ ਗਿਆ ਸੀ।

ਔਫੀਸਰਜ਼ ਨੂੰ ਅਪਾਰਟਮੈਂਟ ਦੇ ਅੰਦਰ ਨੌਜਵਾਨ ਬੇਹੋਸ਼ੀ ਦੀ ਹਾਲਤ ਵਿੱਚ ਮਿਲਿਆ, ਜਿਸ ਨੂੰ ਮੌਕੇ 'ਤੇ ਹੀ ਮ੍ਰਿਤਕ ਐਲਾਨ ਦਿੱਤਾ ਗਿਆ।ਪੁਲਿਸ ਨੇ ਹੁਣ ਤੱਕ ਇਸ ਮਾਮਲੇ ਵਿੱਚ ਤਿੰਨ ਵਿਅਕਤੀਆਂ ਨੂੰ ਨਾਮਜ਼ਦ ਕੀਤਾ ਹੈ, ਜਿਨ੍ਹਾਂ ਸਾਰਿਆਂ 'ਤੇ ਫਰਸਟ ਡਿਗਰੀ ਮਰਡਰ ਦੇ ਦੋਸ਼ ਲਗਾਏ ਗਏ ਹਨ।ਇਨ੍ਹਾਂ ਦੀ ਪਛਾਣ ਨਿਕੋਲਸ ਰੋਡਨੀ ਸਕਾਊਟ, ਡਾਰਸੀ ਐਂਡਰਿਊ ਮੈਡੀਸਨ ਕਰੇਨ ਅਤੇ ਜੌਰਡਨ ਫ੍ਰੈਂਕ ਨੌਰਥ ਪੀਗਨ ਵਜੋਂ ਹੋਈ ਹੈ।