13.85C Vancouver 13.85C VancouverAug 28, 2020 9:32 PM -
ਅੱਜ ਵਾਸ਼ਿੰਗਟਨ 'ਚ ਹਜ਼ਾਰਾਂ ਦੀ ਗਿਣਤੀ 'ਚ ਲੋਕ ਪੁਲਿਸ ਦੀ ਧੱਕੇਸ਼ਾਹੀ ਖਿਲਾਫ਼ ਕੀਤੇ ਗਏ ਪ੍ਰਦਰਸ਼ਨ ਦਾ ਹਿੱਸਾ ਬਣੇ।
ਰੈਵਰਐਂਡ ਐਲ ਸ਼ਾਰਪਟਨ ਦਾ ਕਹਿਣਾ ਸੀ ਕਿ 10,000 ਤੋਂ ਵੀ ਵੱਧ ਲੋਕ ਅੱਜ ਲਿੰਕਨ ਮੈਮੋਰੀਅਲ ਮੌਕੇ ਪਹੁੰਚੇ।
ਠੀਕ 57 ਸਾਲ ਪਹਿਲਾਂ ਮਾਰਟਿਨ ਲੂਥਰ ਕਿੰਗ ਜੂਨੀਅਰ ਨੇ ਕਿਹਾ ਸੀ ਕਿ ਉਹ ਟੁੱਟੇ ਵਾਅਦਿਆਂ ਤੋਂ ਅੱਕ ਚੁੱਕੇ ਹਨ। ਇਨ੍ਹਾਂ ਪ੍ਰਦਰਸ਼ਨਾਂ 'ਚ ਪੁਲਿਸ 'ਚ ਸੁਧਾਰ ਲਿਆਉਣ ਦੀ ਮੰਗ ਕੀਤੀ ਗਈ ਹੈ।
ਕਿੰਗ ਦੀ 1963 ਦੀ "I have a dream speech" ਦੀ 57ਵੀਂ ਵਰ੍ਹੇਗੰਢ ਮੌਕੇ ਇਹ ਪ੍ਰਦਰਸ਼ਨ ਕੀਤੇ ਗਏ ਹਨ।
ਇਸ ਮੌਕੇ ਸ਼ਾਰਪਟਨ ਨੇ ਲੋਕਾਂ ਸਾਹਮਣੇ ਆਪਣੀ ਗੱਲ ਰੱਖਦਿਆਂ ਕਿਹਾ, ਹੁਣ ਬਹੁਤ ਹੋ ਗਿਆ, "ਜੇਕਰ ਸਾਨੂੰ ਹਰ ਰੋਜ਼ ਪ੍ਰਦਰਸ਼ਨ ਕਰਨੇ ਪਏ, ਅਸੀਂ ਤੁਹਾਡਾ ਗੋਢਾ ਆਪਣੀ ਧੌਣ ਤੋਂ ਹਟਾ ਦਿਆਂਗੇ।'
ਯਾਦ ਰਹੇ ਇਹ ਪ੍ਰਦਰਸ਼ਨ ਉਸ ਵੇਲੇ ਹੋਏ ਹਨ, ਜਦ ਅਮਰੀਕਾ ਦੇ ਵਿਸਕਾਨਸਿਨ 'ਚ 29 ਸਾਲਾ ਜੇਕਬ ਬਲੇਕ ਨਾਮ ਦੇ ਵਿਅਕਤੀ 'ਤੇ ਪੁਲਿਸ ਅਫ਼ਸਰ ਵੱਲੋਂ ਚਲਾਈਆਂ ਗਈਆਂ 7 ਗੋਲੀਆਂ ਦੇ ਮਾਮਲੇ 'ਚ ਵੱਡੇ ਪੱਧਰ 'ਤੇ ਕਾਰਵਾਈ ਦੀ ਮੰਗ ਕੀਤੀ ਜਾ ਰਹੀ ਹੈ।
