ਨਾਨਾਇਮੋ ਦੇ ਹਾਈ ਸਕੂਲ 'ਚ ਵਿਦਿਆਰਥੀ ਨੂੰ ਨਿਸ਼ਾਨਾ ਬਣਾ ਕੇ ਦਿੱਤੀ ਗਈ ਧਮਕੀ, ਸਕੂਲ ਨੂੰ ਥੋੜੇ ਸਮੇਂ ਲਈ ਕੀਤਾ ਬੰਦ

ਨਾਨਾਇਮੋ ਜ਼ਿਲ੍ਹਾ ਸੈਕੰਡਰੀ ਹਾਈ ਸਕੂਲ ਨੂੰ ਬੁੱਧਵਾਰ ਦੁਪਹਿਰ ਇੱਕ ਵਿਦਿਆਰਥੀ ਨੂੰ ਨਿਸ਼ਾਨਾ ਬਣਾ ਕੇ ਦਿੱਤੀ ਗਈ ਧਮਕੀ ਕਾਰਨ ਲਗਭਗ 30 ਮਿੰਟ ਲਈ ਲੌਕਡਾਊਨ ਕਰਨਾ ਪਿਆ। ਘਟਨਾ ਲਗਭਗ 2:30 ਵਜੇ ਵਾਪਰੀ। ਸਕੂਲ ਪ੍ਰਸ਼ਾਸਨ ਨੂੰ ਜਿਵੇਂ ਹੀ ਧਮਕੀ ਬਾਰੇ ਪਤਾ ਲੱਗਾ ਉਨ੍ਹਾਂ ਨੇ ਤੁਰੰਤ ਐਮਰਜੈਂਸੀ ਲੌਕਡਾਊਨ ਪ੍ਰਕਿਰਿਆਵਾਂ ਲਾਗੂ ਕਰ ਦਿੱਤੀਆਂ।

ਨਾਨਾਇਮੋ ਆਰ.ਸੀ.ਐਮ.ਪੀ. ਦੇ ਅਧਿਕਾਰੀ ਜਲਦ ਮੌਕੇ 'ਤੇ ਪਹੁੰਚ ਗਏ ਅਤੇ ਸਾਰਾ ਸਮਾਂ ਸਕੂਲ ਵਿਚ ਮੌਜੂਦ ਰਹੇ ਤਾਂ ਜੋ ਅੰਦਰ ਮੌਜੂਦ ਸਾਰੇ ਵਿਦਿਆਰਥੀਆਂ ਅਤੇ ਸਟਾਫ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਈ ਜਾ ਸਕੇ। ਦੁਪਹਿਰ 3:00 ਵਜੇ ਸਥਿਤੀ ਨੂੰ ਕਾਬੂ ਹੇਠ ਅਤੇ ਸੁਰੱਖਿਅਤ ਐਲਾਨ ਦਿੱਤਾ ਗਿਆ।

ਇਸ ਤੋਂ ਬਾਅਦ ਵਿਦਿਆਰਥੀਆਂ ਅਤੇ ਸਟਾਫ ਨੂੰ ਉਨ੍ਹਾਂ ਦੀਆਂ ਕਲਾਸ ਰੂਮ ਵਿਚੋਂ ਬਾਹਰ ਆਉਣ ਦੀ ਇਜਾਜ਼ਤ ਦਿੱਤੀ ਗਈ। ਸਾਰੇ ਵਿਦਿਆਰਥੀਆਂ ਨੂੰ ਘਰ ਭੇਜ ਦਿੱਤਾ ਗਿਆ ਅਤੇ ਕੋਈ ਹੋਰ ਅਣਸੁਖਾਵੀਂ ਘਟਨਾ ਰਿਪੋਰਟ ਨਹੀਂ ਹੋਈ। ਨਾਨਾਇਮੋ ਆਰ.ਸੀ.ਐਮ.ਪੀ. ਨੇ ਕਿਹਾ ਕਿ ਉਹ ਇਸ ਪੂਰੇ ਮਾਮਲੇ ਨੂੰ ਗੰਭੀਰਤਾ ਲੈ ਰਹੀ ਹੈ ਅਤੇ ਜਾਂਚ ਕਰ ਰਹੀ ਹੈ।