8.78C Vancouver 8.78C VancouverJul 8, 2020 11:21 PM -
ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਬੀ.ਸੀ. ਦੇ ਪ੍ਰਿੰਸ ਜਾਰਜ ਵਿੱਚ ਡਾਊਨਟਾਊਨ ਇਲਾਕੇ 'ਚ ਇੱਕ ਮੋਟਲ 'ਚ ਲੱਗੀ ਅੱਗ ਤੋਂ ਬਾਅਦ, 3 ਲੋਕਾਂ ਦੇ ਮ੍ਰਿਤ ਸ਼ਰੀਰ ਮਿਲੇ ਹਨ।
ਕੌਰਪੋਰਲ ਕ੍ਰੈਗ ਡਗਲਸ ਦਾ ਕਹਿਣਾ ਹੈ ਕਿ ਐਮਰਜੈਂਸੀ ਸੇਵਾਵਾਂ ਨੂੰ ਵਿਕਟੋਰੀਆ ਸਟ੍ਰੀਟ 'ਤੇ ਸਥਿਤ, ਇਕੋਨੋ ਲੌਜ ਸਿਟੀ ਸੈਂਟ ਇੰਨ ਵਿੱਚ ਬੁਲਾਇਆ ਗਿਆ ਸੀ।
ਘਟਨਾ ਅੱਜ ਸਵੇਰੇ 9 ਵਜੇ ਵਾਪਰੀ ਸੀ।
ਉਨ੍ਹਾਂ ਕਿਹਾ ਕਿ ਅੱਗ ਬੁਝਾਊ ਟੀਮਾਂ ਨੇ ਅੱਗ 'ਤੇ ਕਾਬੂ ਪਾਇਆ।
ਪਰ ਫਿਰ ਕਰੀਬ 12.30 ਵਜੇ ਇਮਾਰਤ ਦੀ ਜਾਂਚ ਦੌਰਾਨ 3 ਮ੍ਰਿਤ ਸ਼ਰੀਰ ਮਿਲੇ।
ਹਾਲਾਂਕਿ ਮ੍ਰਿਤ ਲੋਕਾਂ ਦੀ ਪਛਾਣ ਬਾਰੇ ਜਾਣਕਾਰੀ ਨਹੀਂ ਦਿੱਤੀ ਗਈ।
ਅੱਗ ਲੱਗਣ ਦੇ ਕਾਰਨਾਂ ਬਾਰੇ ਜਾਂਚ ਕੀਤੀ ਜਾ ਰਹੀ ਹੈ, ਪਰ ਇਸ ਵਿੱਚ ਸਮਾਂ ਲੱਗ ਸਕਦਾ ਹੈ।
ਆਰ.ਸੀ.ਐਮ.ਪੀ. ਵੱਲੋਂ ਕਿਸੇ ਦੇ ਲਾਪਤਾ ਹੋਣ ਬਾਰੇ ਵੀ ਪਤਾ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ, ਪਰ ਡਗਲਸ ਦਾ ਕਹਿਣਾ ਸੀ ਕਿ ਅੱਗ ਕਾਰਨ ਕਈ ਲੋਕ ਮੌਕੇ ਤੋਂ ਨਿਕਲ ਗਏ ਸਨ, ਇਸਲਈ ਲਾਪਤਾ ਲੋਕਾਂ ਦੀ ਸੂਚੀ ਵੱਡੀ ਹੋ ਸਕਦੀ ਹੈ।
