10.35C Vancouver 10.35C VancouverSep 22, 2020 11:14 PM -
ਮੈਟਰੋ ਵੈਨਕੂਵਰ ਦੇ ਤਿੰਨ ਵਿਅਕਤੀਆਂ ਨੂੰ ਪੋਰਟ ਮੂਡੀ ਦੇ ਇੱਕ ਰੈਸਟੂਰੈਂਟ 'ਚ ਕੀਤੇ ਮਾੜੇ ਵਿਵਹਾਰ, ਅਤੇ ਕੋਵਿਡ-19 ਸੰਬੰਧੀ ਨਿਰਦੇਸ਼ਾਂ ਦੀ ਉਲੰਘਣਾ ਦੇ ਮਾਮਲੇ 'ਚ ਕਈ ਟਿਕਟਾਂ ਜਾਰੀ ਕੀਤੀਆਂ ਗਈਆਂ ਹਨ।
ਤਿੰਨਾਂ ਨੂੰ $700 ਤੱਕ ਦੇ ਜੁਰਮਾਨੇ ਹੋਏ ਹਨ।
ਮਾਮਲਾ ਸ਼ਨੀਵਾਰ ਰਾਤ ਦਾ ਹੈ।
ਰੈਸਟੂਰੈਂਟ ਦੇ ਸਟਾਫ਼ ਨੇ ਪੁਲਿਸ ਨੂੰ ਮੌਕੇ 'ਤੇ ਸੱਦਿਆ ਸੀ, ਜਦ ਇਨ੍ਹਾਂ ਵਿਅਕਤੀਆਂ ਨੇ ਆਪਣੇ ਟੇਬਲ 'ਤੇ ਬੈਠਣ ਤੋਂ ਇਨਕਾਰ ਕੀਤਾ, ਇੱਕ ਸਟਾਫ਼ ਏਰੀਆ ਵਿੱਚ ਐਂਟਰੀ ਕੀਤੀ, ਰੌਲਾ ਪਾਇਆ, ਇੱਕ ਮੇਜ 'ਤੇ ਉਲਟੀ ਕੀਤੀ ਅਤੇ ਫਿਰ ਮੌਕੇ ਤੋਂ ਜਾਣ ਤੋਂ ਇਨਕਾਰ ਕੀਤਾ।
ਪੁਲਿਸ ਨੇ ਬਿਆਨ ਵਿੱਚ ਆਖਿਆ ਹੈ ਕਿ ਉਨ੍ਹਾਂ ਦੀ ਪਹਿਲੀ ਜ਼ਿੰਮੇਵਾਰੀ ਲੋਕਾਂ ਨੂੰ ਕੋਵਿਡ-19 ਸੰਬੰਧੀ ਨਿਰਦੇਸ਼ਾਂ ਲਈ ਸਿੱਖਿਅਤ ਕਰਨ ਦੀ ਹੈ, ਪਰ ਇਨ੍ਹਾਂ ਵਿਅਕਤੀਆਂ ਦੀਆਂ ਹਰਕਤਾਂ ਨੇ ਜੁਰਮਾਨੇ ਠੋਕਣ ਤੋਂ ਇਲਾਵਾ ਹੋਰ ਕੋਈ ਰਸਤਾ ਹੀ ਨਹੀਂ ਛੱਡਿਆ।
