22.05C Vancouver 22.05C VancouverFeb 12, 2020 2:58 AM -
ਮੰਗਲਵਾਰ ਦੇ ਦਿਨ ਨਿਰਧਾਰਿਤ ਸਮੇਂ ਅਨੁਸਾਰ, ਲਿਊਟਨੈਂਟ ਗਵਰਨਰ ਜੈਨੇਟ ਔਸਟਿਨ ਨੇ ਥਰੋਨ ਸਪੀਚ ਦਿੱਤੀ।
ਹਾਲਾਂਕਿ ਇਸ ਸਪੀਚ 'ਤੇ ਪ੍ਰਦਰਸ਼ਨਕਾਰੀਆਂ ਦੇ ਭਾਸ਼ਣਾਂ ਦੇ ਭਾਰੀ ਪੈਣ ਦੀਆਂ ਖਬਰਾਂ ਸੁਰਖੀਆਂ ਬਣਾਉਂਦੀਆਂ ਰਹੀਆਂ।
ਥਰੋਨ ਸਪੀਚ ਦੀ ਸ਼ੁਰੂਆਤ 'ਚ ਇਰਾਨ ਹਵਾਈ ਜਹਾਜ ਕ੍ਰੈਸ਼ 'ਚ ਮਾਰੇ ਗਏ 57 ਕਨੇਡੀਅਨਸ ਨੂੰ ਵੀ ਯਾਦ ਕੀਤਾ ਗਿਆ।
ਇਸ ਥਰੋਨ ਸਪੀਚ ਦੌਰਾਨ ਕੁਝ ਅਹਿਮ ਉਪਲਬਧੀਆਂ 'ਤੇ ਜੋਰ ਦੇਣ ਦੀ ਕੋਸ਼ਿਸ਼ ਕੀਤੀ ਗਈ।
ਸਰਕਾਰ ਦੀਆਂ ਉਪਲਬਧੀਆਂ ਬਾਰੇ ਗੱਲਬਾਤ ਕਰਦਿਆਂ, ਕਿਫਾਇਤੀ ਦਰਾਂ, ਸੱਪੋਰਟਿਵ ਹਾਊਸਿੰਗ (supportive housing) ਅਤੇ ਚਾਈਲਡ ਕੇਅਰ ਸਪੇਸਿਸ (child care spaces) 'ਚ ਵਾਧੇ ਬਾਰੇ ਵੀ ਗੱਲਬਾਤ ਕੀਤੀ, ਰੈਂਟਲ ਰੇਟਸ (rental rates) ਦਾ ਜਿਕਰ ਹੋਇਆ, ਬੱਚਿਆਂ 'ਤੇ ਆਉਣ ਵਾਲੇ (child care) ਖਰਚੇ ਅਤੇ ਐਮ.ਐਸ.ਪੀ. ਪ੍ਰੀਮੀਅਮ (MSP premiums) ਨੂੰ ਲੈਕੇ ਚਰਚਾ ਕੀਤਾ ਗਿਆ।
ਹਾਲਾਂਕਿ ਵੱਡੀ ਖਬਰ ਇਹੀ ਰਹੀ ਕਿ ਆਖਿਰਕਾਰ ਸਵੇਰ ਤੋਂ ਜਾਰੀ ਪ੍ਰਦਰਸ਼ਨ ਦੇ ਬਾਵਜੂਦ, ਥਰੋਨ ਸਪੀਚ ਨਿਰਧਾਰਿਤ ਸਮੇਂ ਅਨੁਸਾਰ ਹੋਈ।
ਪ੍ਰਦਰਸ਼ਨ ਕਰ ਰਹੇ ਲੋਕ, ਐਲ.ਐਨ.ਜੀ. ਪਾਈਪਲਾਈਨ ਨੂੰ ਲੈਕੇ ਆਵਾਜ ਉਠਾਉਣ ਵਾਲੇ, ਵੈਟ'ਸੁਵੈਟ'ਐਨ ਲੀਡਰਾਂ ਦੀ ਹਿਮਾਇਤ ਕਰ ਰਹੇ ਹੈ।
ਕੁਝ ਪ੍ਰਦਰਸ਼ਨ ਕਰਨ ਵਾਲੇ ਲੋਕਾਂ ਤੋਂ ਸ਼ੁਰੂ ਹੋਕੇ, ਹੁਣ ਇਹ ਪ੍ਰਦਰਸ਼ਨ ਸੈਂਕੜਿਆਂ ਦੀ ਗਿਣਤੀ 'ਚ ਤਬਦੀਲ ਹੋ ਗਿਆ ਹੈ।
ਯਾਦ ਰਹੇ ਅੱਜ ਦੀ ਲੈਜਿਸਲੇਚਰ 'ਚ ਥਰੋਨ ਸਪੀਚ ਤੋਂ ਠੀਕ ਪਹਿਲਾਂ ਇਹ ਪ੍ਰਦਰਸ਼ਨਾਂ ਵਾਲੇ ਹਾਲਾਤ ਬਣੇ ਹੋਏ ਸਨ।
