18.8C Vancouver 18.8C VancouverMar 12, 2020 2:13 AM -
ਹਾਲੀਵੁਡ ਦੇ ਨਾਮੀ ਕਲਾਕਾਰ, ਟੌਮ ਹੈਂਕਸ ਨੂੰ ਕੋਰੋਨਾ ਵਾਇਰਸ ਲਈ ਪਾਜੀਟਿਵ ਪਾਇਆ ਗਿਆ ਹੈ।
ਹੈਂਕਸ ਦੀ ਪਤਨੀ ਅਤੇ ਗਾਇਕਾ ਰੀਟਾ ਵਿਲਸਨ ਵੀ ਇਸ ਵਾਇਰਸ ਲਈ ਪਾਜ਼ਿਟਿਵ ਪਾਈ ਗਈ ਹੈ।
ਇਸਦੇ ਨਾਲ ਜੁੜੀ ਜਾਣਕਾਰੀ ਕਲਾਕਾਰ ਨੇ ਇੱਕ ਅਧਿਕਾਰਿਤ ਬਿਆਨ 'ਚ ਸਾਂਝੀ ਕੀਤੀ ਹੈ।
ਹੈਂਕਸ ਨੇ ਕਿਹਾ ਕਿ ਜੋੜਾ ਆਸਟ੍ਰੇਲੀਆ 'ਚ ਸੀ, ਅਤੇ ਦੋਨਾਂ ਨੂੰ ਥਕਾਨ, ਠੰਡ, ਸ਼ਰੀਰਕ ਦਰਦ ਅਤੇ ਥੋੜਾ ਬੁਖਾਰ ਮਹਿਸੂਸ ਹੋ ਰਿਹਾ ਸੀ।
ਉਨ੍ਹਾਂ ਕਿਹਾ ਕਿ ਅੱਜ ਵਿਸ਼ਵ ਭਰ 'ਚ ਇਸ ਵਾਇਰਸ ਸੰਬੰਧੀ ਟੈਸਟ ਹੋ ਰਹੇ ਹਨ ਅਤੇ ਉਨ੍ਹਾਂ ਵੀ ਇਹ ਟੈਸਟ ਕਰਵਾਉਣਾ ਬੇਹਤਰ ਸਮਝਿਆ, ਅਤੇ ਉਨ੍ਹਾਂ ਦੇ ਨਤੀਜੇ ਪਾਜ਼ਿਟਿਵ ਪਾਏ ਗਏ।
63 ਸਾਲਾ ਐਕਟਰ ਨੇ ਆਖਿਆ ਕਿ ਓਹ ਉਨ੍ਹਾਂ ਸਮਾਂ ਇਕੱਲੇ 'ਚ ਰਹਿਣਗੇ, ਜਿੰਨਾ ਸਮਾਂ ਕਿ ਪਬਲਿਕ ਹੈਲਥ ਅਤੇ ਸੇਫਟੀ ਸੰਬੰਧੀ ਅਲੱਗ ਰਹਿਣਾ ਜਰੂਰੀ ਹੈ।
ਹੈਂਕਸ ਅਤੇ ਵਿਲਸਨ, ਦੋਨੇ 63 ਸਾਲ ਦੇ ਹਨ ਅਤੇ ਇਨ੍ਹਾਂ ਦਾ ਵਿਆਹ ਸਾਲ 1988 'ਚ ਹੋਇਆ ਸੀ।
