ਏਅਰ ਕੈਨੇਡਾ ਦੀ ਟਰਾਂਟੋ ਨੂੰ ਆ ਰਹੀ ਉਡਾਣ ਨੂੰ ਮੈਡ੍ਰਿਡ ਹਵਾਈ ਅੱਡੇ 'ਤੇ ਕਰਨੀ ਪਈ ਐਮਰਜੰਸੀ ਲੈਂਡਿੰਗ

ਟਰਾਂਟੋ ਵੱਲ ਆ ਰਹੇ ਏਅਰ ਕੈਨੇਡਾ (Air Canada) ਦੇ ਇੱਕ ਜਹਾਜ਼ ਨੂੰ ਇੰਜਣ ਵਿੱਚ ਖ਼ਰਾਬੀ ਅਤੇ ਟਾਇਰ ਫੱਟਣ ਕਾਰਨ ਮੈਡਰਿਡ ਹਵਾਈ ਅੱਡੇ ਉੱਤੇ ਐਮਰਜੈਂਸੀ ਲੈਂਡਿੰਗ (emergency landing) ਕਰਨੀ ਪਈ।

ਏਅਰ ਕੈਨੇਡਾ ਮੁਤਾਬਕ ਬੋਇੰਗ 767 (Boeing 767) ਵਿੱਚ 128 ਯਾਤਰੀ ਮੌਜੂਦ ਸਨ।

ਏਅਰਲਾਈਨ ਵੱਲੋਂ ਪ੍ਰਦਾਨ ਕੀਤੀ ਜਾਣਕਾਰੀ ਮੁਤਾਬਕ ਇੰਜਨ ਵਿੱਚ ਮਸਲੇ ਦੀ ਰਿਪੋਰਟ ਜਹਾਜ਼ ਦੇ ਉਡਾਣ ਭਰਨ ਤੋਂ ਕੁਝ ਸਮਾਂ ਬਾਅਦ ਮਿਲੀ ਅਤੇ ਟਾਇਰ ਵੀ ਉਡਾਣ ਭਰਨ ਦੌਰਾਨ ਫੱਟਿਆ। ਮੈਡਰਿਡ ਹਵਾਈ ਅੱਡੇ ਨੂੰ ਸੋਮਵਾਰ ਸਵੇਰ ਕੁਝ ਘੰਟਿਆਂ ਲਈ ਡਰੋਨ ਸਾਈਟਿੰਗਸ (drone sightings) ਦੀ ਰਿਪੋਰਟ ਕਾਰਨ ਬੰਦ ਰੱਖਿਆ ਗਿਆ ਸੀ ਜਿਸ ਕਾਰਨ ਉਡਾਣਾਂ ਦਾ ਰੂਟ ਬਦਲਣਾ ਪਿਆ।

ਫਲਾਈਟ ਏਸੀ837 (Flight AC837) ਟਰਾਂਟੋ ਪੀਅਰਸਨ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੇ ਪਹੁੰਚਣ ਵਾਲੀ ਸੀ ਅਤੇ ਇਸ ਦੇ ਅਰਾਈਵਲ ਵਿੱਚ ਸੱਤ ਘੰਟੇ ਦੀ ਦੇਰੀ ਦਿਖਾਈ ਜਾ ਰਹੀ ਹੈ।