17.95C Vancouver 17.95C VancouverMar 21, 2025 2:10 PM - The Canadian Press
ਲੰਡਨ ਦੇ ਹੀਥਰੋ ਹਵਾਈ ਅੱਡੇ ਨੇੜੇ ਸ਼ੁੱਕਰਵਾਰ ਨੂੰ ਇੱਕ ਵੱਡੀ ਅੱਗ ਲੱਗਣ ਕਾਰਨ ਯੂਰਪ ਦੇ ਸਭ ਤੋਂ ਵਿਅਸਤ ਹਵਾਈ ਅੱਡੇ ਦੀ ਬਿਜਲੀ ਸਪਲਾਈ ਠੱਪ ਹੋ ਗਈ, ਇਸ ਕਾਰਨ ਇਸ ਨੂੰ ਸਾਰਾ ਦਿਨ ਲਈ ਬੰਦ ਕਰ ਦਿੱਤਾ ਗਿਆ ਅਤੇ ਲੱਖਾਂ ਲੋਕਾਂ ਦੀ ਯਾਤਰਾ ਪ੍ਰਭਾਵਿਤ ਹੋਈ। ਫਲਾਈਟ ਟਰੈਕਿੰਗ ਵੈੱਬਸਾਈਟ ਫਲਾਈਟ ਰਾਡਰ 24 ਨੇ ਕਿਹਾ ਕਿ ਹੀਥਰੋ ਜਾਣ ਅਤੇ ਆਉਣ ਵਾਲੀਆਂ ਘੱਟੋ-ਘੱਟ 1,350 ਉਡਾਣਾਂ ਪ੍ਰਭਾਵਿਤ ਹੋਈਆਂ ਅਤੇ ਇਹ ਪ੍ਰਭਾਵ ਕਈ ਦਿਨਾਂ ਤੱਕ ਰਹਿਣ ਦੀ ਸੰਭਾਵਨਾ ਹੈ।
ਫਲਾਈਟਰਾਡਰ ਮੁਤਾਬਕ, ਜਦੋਂ ਹਵਾਈ ਅੱਡੇ ਨੂੰ ਬੰਦ ਕਰਨ ਦਾ ਐਲਾਨ ਕੀਤਾ ਗਿਆ ਤਾਂ ਲਗਭਗ 120 ਉਡਾਣਾਂ ਆਸਮਾਨ ਵਿਚ ਸਨ, ਜਿਨ੍ਹਾਂ ਵਿਚੋਂ ਕੁਝ ਨੂੰ ਲੰਡਨ ਦੇ ਬਾਹਰ ਗੈਟਵਿਕ ਹਵਾਈ ਅੱਡੇ, ਕੁਝ ਨੂੰ ਪੈਰਿਸ ਦੇ ਗੈਟਵਿਕ ਹਵਾਈ ਅੱਡੇ ਅਤੇ ਕੁਝ ਨੂੰ ਆਇਰਲੈਂਡ ਦੇ ਸ਼ੈਨਨ ਹਵਾਈ ਅੱਡੇ ਵੱਲ ਮੋੜ ਦਿੱਤਾ ਗਿਆ ਸੀ।
ਗੌਰਤਲਬ ਹੈ ਕਿ ਅੰਤਰਰਾਸ਼ਟਰੀ ਯਾਤਰਾ ਲਈ ਹੀਥਰੋ ਦੁਨੀਆ ਦੇ ਸਭ ਤੋਂ ਵੱਧ ਵਿਅਸਤ ਹਵਾਈ ਅੱਡਿਆਂ ਵਿਚੋਂ ਇੱਕ ਹੈ। ਜਨਵਰੀ ਵਿਚ ਇੱਥੇ ਰਿਕਾਰਡ 6.3 ਮਿਲੀਅਨ ਯਾਤਰੀ ਦਰਜ ਕੀਤੇ ਗਏ ਸਨ।
