15.25C Vancouver 15.25C VancouverJul 2, 2021 7:33 PM -
ਟੋਰੌਂਟੋ 'ਚ ਇੱਕ ਪੁਲਿਸ ਅਫ਼ਸਰ ਦੀ ਉਸ ਵੇਲੇ ਮੌਤ ਹੋ ਗਈ ਜਦ ਉਸ 'ਚ ਜਾਣਬੁੱਝ ਕੇ ਇੱਕ ਵਾਹਨ ਨਾਲ ਟੱਕਰ ਮਾਰ ਦਿੱਤੀ ਗਈ।
ਘਟਨਾ 'ਚ ਇੱਕ ਹੋਰ ਅਫ਼ਸਰ ਦੇ ਜ਼ਖਮੀ ਹੋਣ ਬਾਰੇ ਦੱਸਿਆ ਗਿਆ ਹੈ।
ਅੰਤਰਿਮ ਪੁਲਿਸ ਚੀਫ਼, ਜੇਮਸ ਰੇਮਰ ਨੇ ਜਾਣਕਾਰੀ ਦਿੱਤੀ ਕਿ ਪੀੜਤ ਅਫ਼ਸਰ ਦੀ ਪਛਾਣ ਕਾਂਸਟੇਬਲ ਜੈਫਰੀ ਨੌਰਥਰਪ ਵਜੋਂ ਹੋਈ ਹੈ।
ਟੋਰੌਂਟੋ ਸਿਟੀ ਹਾਲ ਦੇ ਪਾਰਕਿੰਗ ਗਰਾਜ 'ਚ ਅਫ਼ਸਰ ਦੀ ਮੌਤ ਹੋਣ ਦੀ ਜਾਣਕਾਰੀ ਦਿੱਤੀ ਗਈ।
31 ਸਾਲ ਦੀ ਪੁਲਿਸ 'ਚ ਸੇਵਾ ਨਿਭਾਉਣ ਵਾਲੇ ਅਫ਼ਸਰ ਨੇ ਮੌਕੇ ਤਕ ਉਸ ਵੇਲੇ ਪਹੁੰਚ ਕੀਤੀ ਸੀ ਜਦ ਇੱਕ ਡਾਕੇ ਸੰਬੰਧੀ 911 ਕਾਲ ਕੀਤੀ ਗਈ ਸੀ।
ਰੇਮਰ ਨੇ ਕਿਹਾ ਕਿ ਨੌਰਥਰਪ ਇੱਕ ਡੈਡੀਕੇਟਿਡ ਅਫ਼ਸਰ ਸਨ ਅਤੇ ਮੇਜਰ ਕਰਾਈਮ ਯੂਨਿਟ 'ਚ ਸੇਵਾਵਾਂ ਨਿਭਾ ਰਹੇ ਸਨ।
ਇਸ ਘਟਨਾ ਤੋਂ ਬਾਅਦ ਔਂਟੈਰੀਓ ਦੇ ਪ੍ਰੀਮਿਅਰ ਡਗ ਫੋਰਡ ਨੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ।
ਫੋਰਡ ਨੇ ਨੌਰਥਰਪ ਦੀ ਪਤਨੀ ਅਤੇ ਉਨ੍ਹਾਂ ਦੇ 3 ਬੱਚਿਆਂ ਤੋਂ ਇਲਾਵਾ ਸਾਰੇ ਟੋਰੌਂਟੋ ਪੁਲਿਸ ਸਰਵਿਸ ਲਈ ਦੁੱਖ ਜ਼ਾਹਿਰ ਕੀਤਾ ਅਤੇ ਕਿਹਾ ਕਿ ਇਸ ਮੁਸ਼ਕਿਲ ਘੜੀ 'ਚ ਉਹ ਸਭ ਦੇ ਨਾਲ ਹਨ।
