ਬੀ.ਸੀ. ਦੇ ਸੈਲਮਨ ਆਰਮ 'ਚ ਆਰ.ਸੀ.ਐਮ.ਪੀ. ਨੇ ਟ੍ਰੈਫਿਕ ਸਟੌਪ ਦੌਰਾਨ ਇੱਕ ਲੋਡਿਡ ਹੈਂਡਗੰਨ ਕੀਤੀ ਜ਼ਬਤ

ਬੀ.ਸੀ. ਦੇ ਸੈਲਮਨ ਆਰਮ ਸਿਟੀ ਦੀ ਆਰ.ਸੀ.ਐਮ.ਪੀ. ਨੇ ਟ੍ਰੈਫਿਕ ਸਟੌਪ ਦੌਰਾਨ ਇੱਕ ਲੋਡਿਡ ਹੈਂਡਗੰਨ ਜ਼ਬਤ ਕੀਤੀ ਹੈ। ਇਹ ਕਾਰਵਾਈ 11 ਮਾਰਚ ਨੂੰ ਕੀਤੀ ਗਈ, ਪੁਲਿਸ ਨੇ ਸ਼ੱਕੀ ਆਧਾਰ 'ਤੇ ਗੱਡੀ ਨੂੰ ਰੋਕਿਆ ਸੀ।

ਔਫੀਸਰ ਵਲੋਂ ਮੌਕੇ 'ਤੇ ਡਰਾਈਵਰ ਅਤੇ ਗੱਡੀ ਵਿਚ ਸਵਾਰ ਦੂਜੇ ਸ਼ਖਸ ਨੂੰ ਮੌਕੇ 'ਤੇ ਗ੍ਰਿਫਤਾਰ ਕਰ ਲਿਆ ਗਿਆ ਪਰ ਬਾਅਦ ਵਿਚ ਪੁਲਿਸ ਨੇ ਡਰਾਈਵਰ ਨੂੰ ਅਗਲੀ ਜਾਂਚ ਤੱਕ ਰਿਹਾਅ ਕਰ ਦਿੱਤਾ, ਜਦੋਂ ਕਿ ਗੱਡੀ ਵਿਚ ਸਵਾਰ Kale Skjeie ਨਾਂ ਦੇ ਵਿਅਕਤੀ ਵਿਰੁੱਧ ਗੰਭੀਰ ਦੋਸ਼ ਤੈਅ ਕੀਤੇ ਗਏ ਹਨ, ਜਿਹਨਾਂ ਵਿਚ ਹਥਿਆਰ ਰੱਖਣ ਦੀ ਪਾਬੰਦੀ ਦੀ ਉਲੰਘਣਾ, ਪਹਿਲਾਂ ਤੋਂ ਲੱਗੀ ਪਾਬੰਦੀ ਦੇ ਬਾਵਜੂਦ ਹਥਿਆਰ ਰੱਖਣ ਵਰਗੇ ਚਾਰਜਿਜ਼ ਸ਼ਾਮਲ ਹਨ।

ਮੁਲਜ਼ਮ Skjeie ਇਸ ਵੇਲੇ ਪੁਲਿਸ ਹਿਰਾਸਤ ਵਿਚ ਹੈ ਅਤੇ ਆਪਣੀ ਜ਼ਮਾਨਤ ਦੀ ਸੁਣਵਾਈ ਦੀ ਉਡੀਕ ਕਰ ਰਿਹਾ ਹੈ। ਪੁਲਿਸ ਇਸ ਮਾਮਲੇ ਵਿਚ ਨਸ਼ਾ ਤਸਕਰੀ ਵਾਲੇ ਪਹਿਲੂ ਦੀ ਵੀ ਜਾਂਚ ਕਰ ਰਹੀ ਹੈ।