13.78C Vancouver 13.78C VancouverNov 3, 2021 7:22 PM - The Canadian Press
ਟਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਦੀ ਇੱਕ ਟੀਮ ਨੂੰ ਜਿੰਮੇਵਾਰੀ ਦਿੱਤੀ ਗਈ ਹੈ ਕਿ ਵੈਨਕੂਵਰ ਆਈਲੈਂਡ 'ਤੇ ਵਿਕਟੋਰੀਆ ਕੋਲ ਤੇਜ ਹਵਾਵਾਂ 'ਚ ਫਸੇ ਕਾਰਗੋ ਸ਼ਿਪ 'ਤੇ ਲੱਗੀ ਅੱਗ ਸੰਬੰਧੀ ਜਾਂਚ ਕੀਤੀ ਜਾਵੇ।
ਐਮ.ਵੀ. ਜ਼ਿਮ ਕਿੰਗਸਟਨ ਨਾਮ ਦੇ ਕਾਰਗੋ ਜਹਾਜ 'ਤੇ ਕੰਟੇਨਰਾਂ ਨੂੰ ਅੱਗ ਲਗ ਗਈ ਸੀ।
ਬੋਰਡ ਨੇ ਇੱਕ ਬਿਆਨ ਜਾਰੀ ਕਰ ਦੱਸਿਆ ਹੈ ਕਿ ਟੀਮ ਵੱਲੋਂ ਜਾਣਕਾਰੀ ਇਕੱਤਰ ਕੀਤੀ ਜਾਵੇਗੀ ਅਤੇ ਘਟਨਾ ਕਿਵੇਂ ਵਾਪਰੀ ਉਸ ਦੀ ਲੜੀਵਾਰ ਜਾਂਚ ਕੀਤੀ ਜਾਵੇਗੀ।
ਪੂਰਾ ਮਾਮਲਾ 22 ਅਕਤੂਬਰ ਦਾ ਹੈ ਜਦ ਜੁਆਨ ਡੀ ਫੂਕਾ ਸਟ੍ਰੇਟ 'ਚ ਤੇਜ ਹਨੇਰੀਆਂ ਵਿਚਾਲੇ ਸਮੁੰਦਰੀ ਜਹਾਜ ਦੇ ਡੈੱਕ 'ਤੇ ਪਏ ਕੰਟੇਨਰਾਂ 'ਚ ਅੱਗ ਲਗ ਗਈ ਸੀ।
ਇਸੇ ਤੂਫਾਨ ਦੌਰਾਨ 109 ਕੰਟੇਨਰ ਸਮੁੰਦਰ 'ਚ ਜਾ ਡਿੱਗੇ ਸਨ।
ਕੁਝ ਕੰਟੇਨਰ ਸੈਂਕੜੇ ਕਿਲੋਮੀਟਰ ਦੂਰ ਬੀ.ਸੀ. ਦੇ ਇੱਕ ਤਟ ਦੇ ਕਿਨਾਰੇ ਮਿਲੇ ਸਨ।
ਇਸ ਬੀਚ ਦੇ ਕੰਢੇ ਨੁਕਸਾਨੇ ਹੋਏ ਫਰਿਜ, ਬੂਟ ਅਤੇ ਹੋਰ ਸਾਮਾਨ ਵੇਖਿਆ ਜਾ ਸਕਦਾ ਸੀ।
ਜਹਾਜ 'ਤੇ ਲੱਗੀ ਅੱਗ 'ਤੇ ਕਾਬੂ ਪਾਉਣ 'ਚ ਕਰੀਬ ਇੱਕ ਹਫ਼ਤੇ ਦਾ ਸਮਾਂ ਲਗ ਗਿਆ ਸੀ।
ਇਸ ਜਹਾਜ ਨੂੰ ਆਪਰੇਟ ਕਰਨ ਵਾਲੀ ਕੰਪਨੀ, ਡੇਨਾਓਸ ਸ਼ਿਪਿੰਗ ਦਾ ਕਹਿਣਾ ਹੈ ਕਿ ਜਹਾਜ 'ਤੇ ਪਏ ਕਰੀਬ 2,000 ਕੰਟੇਨਰ ਸੁਰੱਖਿਅਤ ਹਨ ਅਤੇ ਉਨ੍ਹਾਂ ਨੂੰ ਬਰਥ ਮਿਲਣ ਤੋਂ ਬਾਅਦ ਅਨਲੋਡ ਕੀਤਾ ਜਾਵੇਗਾ।
