ਟਰੂਡੋ ਨੇ ਵਪਾਰਾਂ, ਨਾਗਰਿਕਾਂ ਅਤੇ ਇੰਡੀਜਨਸ ਗਰੁੱਪਸ ਤੋਂ ਮੌਸਮ ਸੰਬੰਧੀ ਨੀਤੀ ਦੇ ਭਵਿੱਖ ਲਈ ਮੰਗੀ ਮਦਦ

ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਇੰਡਸਟਰੀਆਂ, ਨਾਗਰਿਕਾਂ ਅਤੇ ਇੰਡੀਜਨਸ ਗਰੁੱਪਸ ਨੂੰ ਅਪੀਲ ਕੀਤੀ ਹੈ ਕਿ, ਕੈਨੇਡਾ ਦੀ ਵਾਤਾਵਰਨ ਸੰਬੰਧੀ ਨੀਤੀ ਦੇ ਭਵਿੱਖ ਨੂੰ ਬੇਹਤਰ ਰੂਪਰੇਖਾ ਦੇਣ ਲਈ ਮਦਦ ਕੀਤੀ ਜਾਵੇ। ਟੋਰੌਂਟੋ 'ਚ ਇੱਕ ਅਹਿਮ ਮਾਈਨਿੰਗ ਕਾਨਫਰੰਸ 'ਚ ਗੱਲਬਾਤ ਕਰਦੇ ਹੋਏ, ਟਰੂਡੋ ਨੇ ਕਿਹਾ ਕਿ, ਸਰਕਾਰ ਜਲਦੀ ਹੀ ਇੱਕ ਰਸਮੀ ਪਹਿਲ ਦੀ ਸ਼ੁਰੂਆਤ ਕਰੇਗੀ, ਜਿਸਦੇ ਆਸਰੇ ਕਿ ਵੱਖੋ ਵੱਖਰੇ ਗਰੁੱਪਸ ਦੇ ਇਨਪੁਟ ਨੂੰ ਵੇਖਿਆ ਜਾਵੇਗਾ, ਤਾਂ ਜੋ ਕੈਨੇਡਾ ਸਾਲ 2050 ਤਕ, ਆਪਣੇ ਨੈਟ ਜ਼ੀਰੋ ਕਾਰਬਨ ਐਮਿਸ਼ਨਸ ਪਲੈਨ ਨੂੰ ਪੂਰਾ ਕਰ ਸਕੇ। ਉਨ੍ਹਾਂ ਕਿਹਾ ਕਿ ਅੱਗੇ ਦਾ ਰਸਤਾ ਬੇਹਦ ਅਹਿਮ ਹੈ, ਅਤੇ ਇਸਦੀ ਅਹਿਮੀਅਤ ਇਸ ਗ੍ਰਹਿ ਲਈ ਵੀ ਹੈ, ਅਤੇ ਇਸਦੀ ਮਹੱਤਤਾ ਵਪਾਰਾਂ ਦੇ ਲਈ ਵੀ ਹੈ। ਟਰੂਡੋ ਨੇ ਇੱਕ ਚਿੱਠੀ ਬਾਰੇ ਦੱਸਿਆ, ਜੋ ਕਿ ਬਲੈਕਰੌਕ ਇੰਕਲੂਸਿਵ ਦੇ ਸੀ.ਈ.ਓ. ਨੇ ਲਿਖੀ ਸੀ, ਅਤੇ ਇਸਦੇ ਵਿੱਚ ਮੌਸਮੀ ਤਬਦੀਲੀਆਂ ਬਾਰੇ ਸਵਾਲ ਕੀਤੇ ਸਨ। ਤਰੁਸੋ ਨੇ ਕਿਹਾ ਕਿ ਕੈਨੇਡਾ ਨੂੰ ਸਾਂਝੀ ਜਮੀਨ ਤਲਾਸ਼ਣ ਦੀ ਲੋੜ ਹੈ, ਤਾਂ ਜੋ ਅੱਗੇ ਵਧਦੇ ਸਮੇਂ, ਵਾਤਾਵਰਨ ਅਤੇ ਇਕਾਨਮੀ, ਦੋਨਾਂ ਦਾ ਖਿਆਲ ਰੱਖਿਆ ਜਾ ਸਕੇ।