16.6C Vancouver 16.6C VancouverFeb 19, 2020 9:32 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਰੇਲ ਅੜਿੱਕਿਆਂ ਨੂੰ ਲੈਕੇ ਸਰਕਾਰ ਦੀ ਸੰਜੀਦਗੀ ਅਤੇ ਮਸਲੇ ਸੁਲਝਾਉਣ ਦੀ ਰਫਤਾਰ ਬਾਰੇ ਸਵਾਲਾਂ ਨੂੰ ਲੈਕੇ ਟਿੱਪਣੀ ਕਰਦੇ ਹੋਏ, ਸਰਕਾਰ ਦੀ ਮਸਲੇ ਪ੍ਰਤੀ ਪਹੁੰਚ ਨੂੰ ਸਹੀ ਦੱਸਿਆ ਹੈ।
ਪ੍ਰਧਾਨ ਮੰਤਰੀ ਦਾ ਕਹਿਣਾ ਹੈ ਕਿ ਰੇਲ ਅੜਿੱਕਿਆਂ ਨੂੰ ਖਤਮ ਕਰਨ ਪ੍ਰਤੀ ਉਨ੍ਹਾਂ ਦੀ ਪਹੁੰਚ ਕਾਰਨ, ਘਟ ਸਮੇਂ ਲਈ ਤਾਂ ਵਿੱਤੀ ਨੁਕਸਾਨ ਹੋ ਸਕਦੇ ਹਨ, ਪਰ ਲੰਮੇ ਸਮੇਂ ਦੇ ਹਿਸਾਬ ਨਾਲ ਇਹ ਬੇਹਤਰ ਤਰੀਕਾ ਸਾਬਿਤ ਹੋਵੇਗਾ।
ਟਰੂਡੋ ਨੇ ਹਾਊਸ ਆਫ ਕਾਮਨਸ ਦੇ ਵਿੱਚ ਆਪਣੀ ਗੱਲਬਾਤ ਰੱਖਦੇ ਹੋਏ ਕਿਹਾ ਕਿ ਕੰਜ਼ਰਵੇਟਿਵਸ ਦਾ ਸੁਝਾਇਆ ਪੁਲਿਸ ਵੱਲੋਂ ਕੀਤਾ ਜਾਣ ਵਾਲਾ ਸਖਤ ਐਕਸ਼ਨ, ਮਸਲੇ ਨੂੰ ਵਿਗਾੜ ਸਕਦਾ ਹੈ, ਅਤੇ ਇਸਦੇ ਨਾਲ ਲੰਮੇ ਸਮੇਂ ਲਈ ਨੁਕਸਾਨਦਾਇਕ ਨਤੀਜੇ ਹੋ ਸਕਦੇ ਹਨ।
ਯਾਦ ਰਹੇ Via ਰੇਲ ਨੇ ਅੱਜ ਆਪਣੇ 1,000 ਕਰਮਚਾਰੀਆਂ ਨੂੰ ਟੈਂਪਰੇਰੀ ਪੱਧਰ 'ਤੇ ਸਸਪੈਂਡ ਕੀਤੇ ਜਾਣ ਦੀ ਜਾਣਕਾਰੀ ਜਾਰੀ ਕੀਤੀ ਹੈ, ਜਦਕਿ ਕੱਲ CN ਰੇਲ ਨੇ ਜਾਣਕਾਰੀ ਦਿੱਤੀ ਸੀ ਕਿ 450 ਕਰਮਚਾਰੀ ਹਟਾਏ ਜਾ ਰਹੇ ਹਨ।
