22.85C Vancouver 22.85C VancouverJun 1, 2020 4:34 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਮੁਤਾਬਕ ਫੈਡਰਲ ਸਰਕਾਰ ਵੱਲੋਂ ਕੈਨੇਡਾ ਦੇ ਸ਼ਹਿਰਾਂ ਨੂੰ ਵਿੱਤੀ ਸਹਿਯੋਗ ਦੇਣ ਲਈ $2.2 ਬਿਲੀਅਨ ਇਨਫ੍ਰਾਸਟ੍ਰਕਚਰ ਫੰਡਿੰਗ ਵਿੱਚ ਉਪਲੱਬਧ ਕਰਵਾਇਆ ਜਾਵੇਗਾ।
ਉਨ੍ਹਾਂ ਕਿਹਾ ਕਿ ਮਿਊਂਸਪੈਲਟੀਆਂ ਨੂੰ ਗੈਸ ਟੈਕਸ ਫੰਡ ਨਿਰਧਾਰਤ ਸਮੇਂ ਤੋਂ ਕੁਝ ਮਹੀਨੇ ਪਹਿਲਾਂ ਭੇਜਣ ਨਾਲ ਸ਼ਹਿਰਾਂ ਦੀ ਮਦਦ ਹੋ ਸਕੇਗੀ ਅਤੇ ਸਰਕਾਰ ਇਸ ਰਾਸ਼ੀ ਦਾ ਭੁਗਤਾਨ ਇੱਕੋ ਵਾਰੀ ਵਿੱਚ ਕਰੇਗੀ।
ਟਰੂਡੋ ਨੇ ਔਟਵਾ ਵਿੱਚ ਇਹ ਘੋਸ਼ਣਾ ਕਰਦਿਆਂ ਕਿਹਾ ਕਿ ਇਸ ਨਾਲ ਸ਼ਹਿਰ ਆਪਣੀਆਂ ਸਥਾਨਕ ਇਨਫ੍ਰਾਸਟ੍ਰਕਚਰ ਜ਼ਰੂਰਤਾਂ ਮੁਤਾਬਕ ਕੰਸਟਰਕਸ਼ਨ ਪ੍ਰਾਜੈਕਟ ਸ਼ੁਰੂ ਕਰ ਨੌਕਰੀਆਂ ਉਪਲੱਬਧ ਕਰਵਾ ਸਕਣਗੇ।
ਕੋਵਿਡ-19 ਮਹਾਂਮਾਰੀ ਕਾਰਨ ਮਿਊਂਸਪੈਲਟੀਆਂ ਨੂੰ ਆਮਦਨੀ ਵਿੱਚ ਵੱਡਾ ਨੁਕਸਾਨ ਸਹਿਣਾ ਪਿਆ ਹੈ ਕਿਉਂਕਿ ਪਾਰਕਿੰਗ ਅਤੇ ਟ੍ਰਾੰਜ਼ਿਟ ਦੀ ਲੋਕ ਘੱਟ ਵਰਤੋਂ ਕਰ ਰਹੇ ਹਨ ਅਤੇ ਰੀਕ੍ਰੀਏਸ਼ਨ ਸੈਂਟਰ ਬੰਦ ਹਨ।
$2.2 ਬਿਲੀਅਨ ਮਿਊਂਸਪੈਲਟੀਆਂ ਵਲੋਂ ਮੰਗੇ ਗਏ ਸਹਿਯੋਗ ਤੋਂ ਕਾਫੀ ਘੱਟ ਹੈ।
ਇਨ੍ਹਾਂ ਸੇਵਾਵਾਂ ਨੂੰ ਰੱਦ ਕਰਨ ਕਾਰਨ ਸਿਰਫ ਟੋਰੌਂਟੋ ਵਿੱਚ ਹੀ $1.5 ਬਿਲੀਅਨ ਦਾ ਨੁਕਸਾਨ ਹੋਇਆ ਹੈ।
