18.12C Vancouver 18.12C VancouverMar 24, 2020 9:41 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਕਨੇਡੀਅਨਸ ਲਈ ਉਨ੍ਹਾਂ ਦੀ ਕਮਿਟਮੈਂਟ 'ਚ ਕੋਈ ਕਮੀ ਨਹੀਂ ਆਉਣ ਵਾਲੀ, ਅਤੇ ਦੇਸ਼ ਦੇ ਲੋਕਤੰਤਰੀ ਸਿਧਾਂਤਾਂ 'ਚ ਕੋਈ ਕਮੀ ਨਹੀਂ ਆਉਣ ਦਿੱਤੀ ਜਾਵੇਗੀ।
ਇਹ ਟਿੱਪਣੀ ਉਸ ਵੇਲੇ ਕੀਤੇ ਗਈ ਜਦ, ਦੇਸ਼ ਲਈ ਐਲਾਨੇ ਗਏ, $82 ਬਿਲੀਅਨ ਦੇ ਇੱਕ ਬਿਲ ਸੰਬੰਧੀ, ਵਿਰੋਧੀ ਧਿਰਾਂ ਵੱਲੋਂ ਕੁਝ ਸਵਾਲ ਉਠਾਏ ਗਏ।
ਇਹ ਐਮਰਜੈਂਸੀ ਏਡ ਕੋਵਿਡ-19 ਦੇ ਸੰਕਟ ਨਾਲ ਨਜਿੱਠਣ ਲਈ, ਮਦਦ ਦੇ ਤੌਰ 'ਤੇ ਪ੍ਰਦਾਨ ਕੀਤੀ ਜਾਣੀ ਹੈ।
ਪਰ ਇਸਦੇ ਨਾਲ ਫੈਡਰਲ ਸਰਕਾਰ ਨੂੰ ਟੈਕਸ ਅਤੇ ਖਰਚੇ 'ਤੇ ਕੰਟਰੋਲ ਸੰਬੰਧੀ ਖਾਸ ਤਾਕਤਾਂ ਵੀ ਪ੍ਰਦਾਨ ਹੁੰਦੀਆਂ ਹਨ।
ਟਰੂਡੋ ਦਾ ਕਹਿਣਾ ਹੈ ਕਿ ਇਹ ਪੈਂਡੇਮਿਕ ਬੇਹਦ ਤੇਜੀ ਨਾਲ ਅੱਗੇ ਵਧ ਰਿਹਾ ਹੈ, ਜਿਸਦੇ ਕਾਰਨ ਸਰਕਾਰ ਵੀ ਉੰਨੀ ਹੀ ਤੇਜੀ ਨਾਲ ਕਦਮ ਉਠਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਦੇਸ਼ ਕੋਲ ਇੱਕ ਪਾਰਲੀਅਮੈਂਟ ਹੈ ਜੋ ਕੰਮ ਕਰਦਾ ਹੈ, ਅਤੇ ਸਰਕਾਰ ਵਿਰੋਧੀ ਧਿਰਾਂ ਨਾਲ ਮਿਲਕੇ ਕੰਮ ਕਰ ਰਹੀ ਹੈ, ਤਾਂ ਜੋ ਸਹੀ ਕਨੂੰਨ ਪਾਸ ਕੀਤਾ ਜਾਵੇ, ਅਤੇ ਪੁਖਤਾ ਕੀਤਾ ਜਾਵੇ ਕਿ ਕਨੇਡੀਅਨ ਸੁਰੱਖਿਅਤ ਰਹਿਣ ਅਤੇ ਉਨ੍ਹਾਂ ਨੂੰ ਪੂਰਾ ਸਹਿਯੋਗ ਮਿਲੇ।
