17.34C Vancouver 17.34C VancouverFeb 12, 2020 8:27 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵੱਲੋਂ ਬੀ.ਸੀ. ਦੇ ਪ੍ਰਦਰਸ਼ਨਾਂ ਨੂੰ ਲੈਕੇ ਫੈਡਰਲ ਮੰਤਰੀਆਂ ਨਾਲ ਤਾਲਮੇਲ ਬਿਠਾਇਆ ਜਾ ਰਿਹਾ ਹੈ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅੱਜ ਸੈਨੇਗਲ ਪਹੁੰਚੇ ਹੋਏ ਹਨ।
ਇੱਕ ਪਾਸੇ ਟਰੂਡੋ ਆਪਣੇ ਅਫਰੀਕਾ ਦੌਰੇ ਨੂੰ ਖਤਮ ਕਰ ਰਹੇ ਹਨ, ਪਰ ਦੂਜੇ ਪਾਸੇ ਟਰੂਡੋ ਨੂੰ ਬੀ.ਸੀ. 'ਚ ਕਈ ਜਗ੍ਹਾ, ਕੋਸਟਲ ਗੈਸਲਿੰਕ ਮਾਮਲੇ 'ਚ ਹੋਰ ਰਹੇ ਵਿਰੋਧ ਬਾਰੇ ਵੀ ਜਾਣੂ ਕਰਵਾਇਆ ਗਿਆ ਹੈ।
ਇਸਦੇ ਚਲਦਿਆਂ ਪੋਰਟ ਆਫ ਪ੍ਰਿੰਸ ਰੂਪਰਟ ਨੂੰ ਜਾਣ ਵਾਲੀਆਂ ਮਾਲ ਗੱਡੀਆਂ, ਕਈ ਦਿਨਾਂ ਤੋਂ ਰੁਕੀਆਂ ਹੋਈਆਂ ਹਨ।
ਨਿਊ ਹੈਜ਼ਲਟਨ 'ਚ ਬਲੌਕੇਡ ਦੇ ਕਾਰਨ ਇਹ ਅੜਿੱਕੇ ਪੇਸ਼ ਆ ਰਹੇ ਦੱਸੇ ਗਏ ਹਨ।
ਵਾਇਆ ਰੇਲ, ਅਤੇ ਸੀ.ਐਨ. ਦਾ ਕਹਿਣਾ ਹੈ ਕਿ, ਬੀ.ਸੀ., ਔਂਟੈਰੀਓ ਅਤੇ ਕਿਊਬੈਕ ਦੇ ਵਿੱਚ ਬਲੌਕੇਡਸ ਕਾਰਨ ਹਜਾਰਾਂ ਦੀ ਗਿਣਤੀ 'ਚ ਸਵਾਰੀਆਂ ਨੂੰ ਅੜਿੱਕੇ ਪੇਸ਼ ਆਏ ਹਨ, ਅਤੇ ਮਾਲ ਵੀ ਸਮੇਂ ਸਿਰ ਨਹੀਂ ਪਹੁੰਚ ਰਿਹਾ।
ਟਰੂਡੋ ਦਾ ਕਹਿਣਾ ਹੈ ਕਿ, ਫੈਡਰਲ ਸਰਕਾਰ ਸ਼ਾਂਤਮਈ ਪ੍ਰਦਰਸ਼ਨਾਂ ਨੂੰ ਵਾਜਿਬ ਦਸਦੀ ਹੈ, ਪਰ ਇਸਦੇ ਬਾਵਜੂਦ ਕਨੂੰਨ ਦੀ ਪਾਲਣਾ ਕਰਨਾ ਜਰੂਰੀ ਹੈ।
ਉਨ੍ਹਾਂ ਕਿਹਾ ਕਿ ਅੱਜ ਹੀ ਓਹ ਮਾਮਲੇ ਸੰਬੰਧੀ ਫੈਡਰਲ ਕੈਬਿਨੇਟ ਮੰਤਰੀਆਂ ਨਾਲ ਗੱਲਬਾਤ ਕਰਨਗੇ।
