14.04C Vancouver 14.04C VancouverSep 29, 2020 12:16 AM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅੱਜ ਸਭ ਤੋਂ ਵੱਡੇ 'ਲੈਂਡ ਮਾਸ' ਯਾਨੀ ਕਿ ਵੱਡੀ ਜ਼ਮੀਨ ਵਾਲੇ ਦੇਸ਼ਾਂ ਨੂੰ ਬੇਨਤੀ ਕੀਤੀ ਹੈ ਕਿ ਆਪਣੀ ਜ਼ਮੀਨ ਅਤੇ ਪਾਣੀਆਂ ਸੰਬੰਧੀ, ਜੈਵ ਵਿਭਿੰਨਤਾ ਦਾ ਬਚਾਅ ਕੀਤਾ ਜਾਵੇ।
ਯੂਨਾਈਟਿਡ ਨੇਸ਼ਨਸ ਦੀ ਵਰਚੁਅਲ ਜਨਰਲ ਅਸੈਂਬਲੀ ਬੈਠਕ ਸੰਬੰਧੀ ਵੀਡੀਓ ਕਾਨਫਰੰਸਿੰਗ ਦੇ ਸਪੈਸ਼ਲ ਸੈਸ਼ਨ 'ਚ ਟਰੂਡੋ ਨੇ ਇਹ ਗੱਲ ਰੱਖੀ।
ਟਰੂਡੋ, 'ਲੀਡਰਸ ਈਵੈਂਟ ਫਾਰ ਨੇਚਰ ਐਂਡ ਪੀਪਲ' 'ਚ ਹਿੱਸਾ ਲੈ ਰਹੇ ਸਨ।
ਕੋਸਟਾ ਰੀਕਾ ਅਤੇ ਨੌਰਵੇਅ ਵੀ ਇਸ ਈਵੈਂਟ ਦਾ ਹਿੱਸਾ ਸਨ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ, ਸਾਲ 2030 ਤੱਕ 30% ਜ਼ਮੀਨ ਅਤੇ ਸਮੁੰਦਰਾਂ ਨੂੰ ਬਚਾਉਣ ਦੇ ਯੂ.ਐਨ. ਦੇ ਇਨੀਸ਼ੀਏਟਿਵ ਦਾ ਸਹਿਯੋਗ ਕੀਤਾ ਹੈ।
ਹਾਲਾਂਕਿ ਟਰੂਡੋ ਨੇ ਕਿਹਾ ਕਿ ਵਿਸ਼ਵ ਦੇ ਚੋਟੀ ਦੇ 10 ਸਭ ਤੋਂ ਵੱਡੇ 'ਲੈਂਡ ਮਾਸ' ਵਾਲੇ ਦੇਸ਼ਾਂ 'ਚ ਕੈਨੇਡਾ ਇਕੱਲਾ ਅਜਿਹਾ ਦੇਸ਼ ਹੈ, ਜੋ ਇਸ ਪਹਿਲਕਦਮੀ ਦਾ ਸਹਿਯੋਗ ਕਰ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਹੋਰ ਦੇਸ਼ਾਂ ਨੂੰ ਵੀ ਇਸ ਇਨੀਸ਼ੀਏਟਿਵ ਦਾ ਹਿੱਸਾ ਬਣਨਾ ਚਾਹੀਦਾ ਹੈ।
