14.36C Vancouver 14.36C VancouverSep 9, 2020 10:38 PM -
ਪੱਤਰਕਾਰ ਬੌਬ ਵੁਡਵਰਡ ਦੀ ਇੱਕ ਨਵੀਂ ਕਿਤਾਬ 'ਚ ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟ੍ਰੰਪ ਬਾਰੇ ਕਿਹਾ ਗਿਆ ਹੈ ਕਿ ਉਨ੍ਹਾਂ ਨੂੰ ਕੋਵਿਡ-19 ਦੀ ਗੰਭੀਰਤਾ ਦਾ ਚੰਗੀ ਤਰ੍ਹਾਂ ਅਹਿਸਾਸ ਸੀ, ਚਾਹੇ ਉਹ ਇਸ ਦੌਰਾਨ ਕੋਵਿਡ-19 ਨੂੰ ਛੋਟਾ ਕਰਕੇ ਹੀ ਪੇਸ਼ ਕਰਦੇ ਰਹੇ।
ਟ੍ਰੰਪ ਨੇ ਇਸੇ ਪੈਂਡੇਮਿਕ ਦਰਮਿਆਨ ਕਿਹਾ ਸੀ ਕਿ ਇਹ ਸੀਜ਼ਨਲ ਫਲੂ ਤੋਂ ਕੋਈ ਬਹੁਤ ਖਤਰਨਾਕ ਨਹੀਂ ਹੈ, ਅਤੇ ਅਮਰੀਕੀ ਸਰਕਾਰ ਨੇ ਇਸ 'ਤੇ ਪੂਰਾ ਕਾਬੂ ਬਣਾਇਆ ਹੋਇਆ ਹੈ।
ਪਰ ਵੁਡਵਰਡ ਦਾ ਕਹਿਣਾ ਹੈ ਕਿ ਫਰਵਰੀ 'ਚ ਟ੍ਰੰਪ ਨੂੰ ਕੀਤੀ ਇੱਕ ਫੋਨ ਕਾਲ ਦੌਰਾਨ ਹੋਈ ਗੱਲਬਾਤ 'ਚ ਟ੍ਰੰਪ ਨੇ ਇਸ ਵਾਇਰਸ ਦੇ ਜਾਨਲੇਵਾ ਰੂਪ ਬਾਰੇ ਗੱਲਬਾਤ ਕੀਤੀ ਸੀ।
ਇਹ ਵੀ ਦੱਸਿਆ ਗਿਆ ਕਿ 19 ਮਾਰਚ ਦੀ ਗੱਲਬਾਤ 'ਚ ਟ੍ਰੰਪ ਨੇ ਵੁਡਵਰਡ ਨੂੰ ਕਿਹਾ ਸੀ ਕਿ ਉਨ੍ਹਾਂ ਜਾਣਬੁੱਝ ਕੇ ਇਸ ਖਤਰੇ ਨੂੰ ਛੋਟਾ ਕਰ ਕੇ ਪੇਸ਼ ਕੀਤਾ ਸੀ।
ਇਸ ਕਿਤਾਬ 'ਚ ਸਾਂਝੀ ਕੀਤੀ ਗਈ ਗੱਲਬਾਤ ਬਾਰੇ ਕੁਝ ਨਿੱਜੀ ਮੀਡੀਆ ਨੈਟਵਰਕਸ ਨੇ ਵੇਰਵੇ ਜਾਰੀ ਕੀਤੇ ਹਨ।
