21.12C Vancouver 21.12C VancouverJul 20, 2020 10:29 PM -
ਵਾਈਟ ਹਾਊਸ ਵੱਲੋਂ ਆਪਣੀਆਂ ਪਬਲਿਕ ਕੋਰੋਨਾ ਵਾਇਰਸ ਟਾਸਕ ਫੋਰਸ ਬ੍ਰੀਫਿੰਗਜ਼ ਫਿਰ ਤੋਂ ਆਰੰਭੀਆਂ ਜਾ ਰਹੀਆਂ ਹਨ। ਰਾਸ਼ਟਰਪਤੀ ਡੌਨਲਡ ਟ੍ਰੰਪ ਵੱਲੋਂ ਇੱਕ ਵਾਰ ਫਿਰ ਤੋਂ ਹਰ ਰੋਜ਼ ਦੀਆਂ ਜਾਣਕਾਰੀਆਂ ਪ੍ਰਦਾਨ ਕੀਤੀਆਂ ਜਾਣਗੀਆਂ।
ਅੱਜ ਟ੍ਰੰਪ ਨੇ ਕਿਹਾ ਕਿ ਉਹ ਕੱਲ ਨੂੰ ਵੀ ਇੱਕ ਬ੍ਰੀਫਿੰਗ ਕਰਨਗੇ।
27 ਅਪ੍ਰੈਲ ਤੋਂ ਬਾਅਦ ਇਹ ਪਹਿਲਾਂ ਮੌਕਾ ਹੋਵੇਗਾ ਜਦ ਟ੍ਰੰਪ ਵੱਲੋਂ ਵਾਇਰਸ ਸੰਬੰਧੀ ਜਾਣਕਾਰੀਆਂ ਨਾਲ ਜੁੜੀ ਨਿਊਜ਼ ਕਾਨਫਰੰਸ ਕੀਤੀ ਜਾਵੇਗੀ।
ਟ੍ਰੰਪ ਵੱਲੋਂ ਕੀਤੀਆਂ ਜਾਣ ਵਾਲੀਆਂ ਬ੍ਰੀਫਿੰਗਜ਼ ਉਸ ਵੇਲੇ ਰੋਕ ਦਿੱਤੀਆਂ ਗਈਆਂ ਸਨ, ਜਦ ਅਮਰੀਕਾ 'ਚ ਵਾਇਰਸ ਨਾਲ ਜੁੜੇ ਮਾਮਲੇ ਘਟਣੇ ਸ਼ੁਰੂ ਹੋ ਗਏ ਸਨ, ਅਤੇ ਟ੍ਰੰਪ ਨੇ ਸ਼ਰੀਰਾਂ 'ਚ ਡਿਸਇੰਫੈਕਟੈਂਟ ਵਰਤਣ ਸੰਬੰਧੀ ਟਿੱਪਣੀ ਕੀਤੀ ਸੀ।
ਅੱਜ ਅਮਰੀਕੀ ਰਾਸ਼ਟਰਪਤੀ ਨੇ ਕਿਹਾ ਕਿ ਉਨ੍ਹਾਂ ਦੀਆਂ ਬ੍ਰੀਫਿੰਗਜ਼ ਦੀ ਰੇਟਿੰਗ ਅਜਿਹੀ ਸੀ ਜੋ ਪਹਿਲਾਂ ਕਿਸੇ ਨੇ ਨਹੀਂ ਵੇਖੀ ਸੀ।
ਯਾਦ ਰਹੇ ਕੋਰੋਨਾ ਵਾਇਰਸ ਕਾਰਨ ਅਮਰੀਕਾ 'ਚ 140,000 ਤੋਂ ਵਧੇਰੇ ਲੋਕਾਂ ਦੀ ਮੌਤ ਹੋ ਗਈ ਹੈ।
