20.12C Vancouver 20.12C VancouverAug 27, 2026 6:02 PM - Connect Newsroom - Jasmine Singh
ਵੈਨਕੂਵਰ ਆਈਲੈਂਡ ਦੇ ਲੈਂਟਜ਼ਵਿਲ ਇਲਾਕੇ ਵਿਚ ਹਾਈਵੇ-19 'ਤੇ ਅੱਜ ਤੜਕਸਾਰ ਇੱਕ ਵੋਲਕਸਵੈਗਨ ਜੇਟਾ ਅਤੇ ਕੀਆ ਸੇਡੋਨਾ ਮਿਨੀਵੈਨ ਵਿਚਕਾਰ ਟੱਕਰ ਵਿਚ ਦੋ ਲੋਕਾਂ ਦੀ ਮੌਤ ਹੋ ਗਈ। ਬੀ.ਸੀ. ਹਾਈਵੇਅ ਪੈਟਰੋਲ ਮੁਤਾਬਕ, ਹਾਦਸਾ ਸਵੇਰ 3 ਵਜੇ ਵੇਅਰ ਰੋਡ ਦੇ ਇੰਟਰਸੈਕਸ਼ਨ ਨੇੜੇ ਵਾਪਰਿਆ, ਜਿੱਥੇ ਹਾਈਵੇ-19 ਦੀਆਂ ਸਾਊਥ ਬਾਊਂਡ ਲੇਨ ਵਿਚ ਦੋ ਗੱਡੀਆਂ ਟਕਰਾਈਆਂ।
ਪੁਲਿਸ ਮੁਤਾਬਕ, ਇਸ ਟੱਕਰ ਵਿਚ ਵੋਲਕਸਵੈਗਨ ਵਿਚ ਸਵਾਰ ਦੋ ਲੋਕਾਂ ਨੇ ਮੌਕੇ 'ਤੇ ਦਮ ਤੋੜ ਦਿੱਤਾ, ਜਦੋਂ ਕਿ Kia minivan ਨੂੰ ਚਲਾ ਰਹੀ 16 ਸਾਲਾ ਲੜਕੀ ਨੂੰ ਮੌਕੇ 'ਤੇ ਹੀ ਨਸ਼ੇ ਵਿਚ ਗੱਡੀ ਚਲਾ ਕੇ ਮੌਤ ਦਾ ਕਾਰਨ ਬਣਨ ਅਤੇ ਖ਼ਤਰਨਾਕ ਤਰੀਕੇ ਨਾਲ ਵਾਹਨ ਚਲਾਉਣ ਦੇ ਦੋਸ਼ ਹੇਠ ਚਾਰਜ ਕੀਤਾ ਗਿਆ ਹੈ।
ਸਾਰਜੈਂਟ ਮਾਈਕਲ ਮੈਕਲਾਫਲਿਨ ਨੇ ਦੱਸਿਆ ਕਿ ਸ਼ੁਰੂਆਤੀ ਗਵਾਹਾਂ ਮੁਤਾਬਕ, ਇਹ ਲੜਕੀ ਉਲਟ ਦਿਸ਼ਾ ਵਿਚ ਗੱਡੀ ਚਲਾ ਰਹੀ ਸੀ ਅਤੇ ਹਾਦਸੇ ਤੋਂ ਲਗਭਗ ਚਾਰ ਘੰਟੇ ਪਹਿਲਾਂ ਇਸ ਮਿਨੀਵੈਨ ਨੂੰ ਨੈਨਾਇਮੋ ਵਿਚ ਵੀ ਦੇਖਿਆ ਗਿਆ ਸੀ।
ਇਹ ਲੜਕੀ ਵੀ ਨੈਨਾਇਮੋ ਦੀ ਰਹਿਣ ਵਾਲੀ ਹੈ ਅਤੇ ਫਿਲਹਾਲ ਉਹ ਇਲਾਜ ਲਈ ਹਸਪਤਾਲ ਵਿਚ ਜ਼ੇਰੇ ਇਲਾਜ ਹੈ। ਬੀ.ਸੀ. ਹਾਈਵੇਅ ਪੈਟਰੋਲ ਵਲੋਂ ਨੈਨਾਇਮੋ ਆਰਸੀਐਮਪੀ ਨਾਲ ਮਿਲ ਕੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਲੋਕਾਂ ਤੋਂ ਵੀਡੀਓ ਫੁਟੇਜ ਦੀ ਮੰਗ ਕੀਤੀ ਹੈ।
