14.63C Vancouver 14.63C VancouverMar 12, 2026 7:02 PM - Connect Newsroom - Ramandeep Kaur
ਐਬਟਸਫੋਰਡ ਪੁਲਿਸ ਦੇ ਮੇਜਰ ਕ੍ਰਾਈਮ ਯੂਨਿਟ ਨੇ ਸੁਮਾਸ ਵੇਅ 'ਤੇ ਹੋਈ ਇੱਕ ਬੈਂਕ ਡਕੈਤੀ ਦੇ ਸਬੰਧ ਵਿਚ 50 ਸਾਲ ਤੋਂ ਵੱਧ ਉਮਰ ਦੇ ਦੋ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਹ ਕਾਰਵਾਈ 6 ਫਰਵਰੀ ਨੂੰ ਹੋਈ ਵਾਰਦਾਤ ਦੇ ਸਬੰਧ ਵਿਚ ਕੀਤੀ ਗਈ।
ਪੁਲਿਸ ਮੁਤਾਬਕ, ਸੁਮਾਸ ਵੇਅ ਦੇ 2100 ਬਲਾਕ ਵਿਚ ਸਥਿਤ ਬੈਂਕ ਵਿਚ ਇੱਕ ਸ਼ੱਕੀ ਨੇ ਅੰਦਰ ਜਾਂਦੇ ਹੀ ਪੈਸਿਆਂ ਦੀ ਡਿਮਾਂਡ ਕੀਤੀ ਅਤੇ ਨਕਦੀ ਲੈ ਕੇ ਬਾਹਰ ਖੜ੍ਹੇ ਇੱਕ ਟਰੱਕ ਵਿਚ ਫ਼ਰਾਰ ਹੋ ਗਿਆ ਸੀ।
10 ਮਾਰਚ ਨੂੰ ਐਬਟਸਫੋਰਡ ਪੁਲਿਸ ਨੇ ਲੇਕ ਐਰੋਕ ਦੇ ਮੈਲਕਮ ਰੋਡ 'ਤੇ ਸਥਿਤ ਇੱਕ ਘਰ ਦੀ ਤਲਾਸ਼ੀ ਲਈ ਅਤੇ ਦੋ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕੀਤਾ, ਜਿਨ੍ਹਾਂ ਦੀ ਪਛਾਣ 54 ਸਾਲਾ ਗੋਰਡਨ ਸਲੇਟਰ ਅਤੇ 57 ਸਾਲਾ ਬ੍ਰਾਇਨ ਨਟਸਨ ਵਜੋਂ ਸਾਹਮਣੇ ਆਈ ਹੈ। ਪੁਲਿਸ ਨੇ ਦੱਸਿਆ ਕਿ ਲੋਅਰ ਮੇਨਲੈਂਡ ਵਿਚ ਕਈ ਹਫ਼ਤਿਆਂ ਦੀ ਜਾਂਚ ਅਤੇ ਸਬੂਤ ਇਕੱਠੇ ਕਰਨ ਤੋਂ ਬਾਅਦ ਇਨ੍ਹਾਂ ਦੋਸ਼ੀਆਂ ਦੀ ਪਛਾਣ ਹੋਈ ਸੀ।
