18.28C Vancouver 18.28C VancouverApr 22, 2020 8:19 PM -
ਨੋਵਾ ਸਕੌਸ਼ੀਆ 'ਚ ਕੋਵਿਡ-19 ਦੇ ਮਾਮਲਿਆਂ 'ਚ ਵਾਧਾ ਜਾਰੀ ਹੈ।
ਅੱਜ ਦੀ ਅਪਡੇਟ ਦੌਰਾਨ ਦੱਸਿਆ ਗਿਆ ਕਿ ਸੂਬੇ 'ਚ 35 ਨਵੇਂ ਵਾਇਰਸ ਸੰਬੰਧੀ ਮਾਮਲੇ ਦਰਜ ਕੀਤੇ ਗਏ ਹਨ।
ਹੁਣ ਸੂਬੇ 'ਚ ਵਾਇਰਸ ਸੰਬੰਧੀ ਪੀੜਤਾਂ ਦੀ ਗਿਣਤੀ 772 ਤਕ ਪਹੁੰਚ ਗਈ ਹੈ।
ਸੂਬੇ ਦੇ ਚੀਫ ਮੈਡੀਕਲ ਅਫਸਰ, ਡਾ. ਰੌਬਰਟ ਸਟ੍ਰੈਂਗ ਨੇ ਪੀੜਤਾਂ ਸੰਬੰਧੀ ਜਾਣਕਾਰੀਆਂ ਸਾਂਝੀਆਂ ਕੀਤੀਆਂ।
ਸੂਬੇ ਦੇ 10 ਲਾਇਸੈਂਸੀ ਅਤੇ ਕੁਝ ਗੈਰ ਲਾਇਸੈਂਸੀ ਲੌਂਗ ਟਰਮ ਕੇਅਰ ਹੋਮਸ ਦੇ ਵਿਚ ਵਾਇਰਸ ਸੰਬੰਧੀ ਮਾਮਲੇ ਸਾਹਮਣੇ ਆ ਚੁੱਕੇ ਹਨ।
ਇਨ੍ਹਾਂ ਕੇਅਰ ਹੋਮਸ ਨਾਲ ਜੁੜੇ 148 ਰੈਜ਼ੀਡੈਂਟ ਅਤੇ 65 ਸਟਾਫ ਮੈਂਬਰ ਹੁਣ ਤਕ ਵਾਇਰਸ ਪੀੜਤ ਪਾਏ ਜਾ ਚੁੱਕੇ ਹਨ।
ਹੁਣ ਤਕ ਸੂਬੇ ਦੇ 12 ਵਾਇਰਸ ਪੀੜਤ ਦਮ ਤੋੜ ਚੁੱਕੇ ਹਨ।
ਅੱਜ ਸੂਬੇ ਦੇ ਪ੍ਰੀਮਿਅਰ ਸਟੀਫਨ ਮੈਕਨੀਲ ਨੇ ਆਖਿਆ ਕਿ ਸੂਬੇ ਲਈ ਇਹ ਸਮਾਂ ਬੇਹਦ ਮੁਸ਼ਕਿਲ ਹੈ, ਜਦ ਮਾਸ ਸ਼ੂਟਿੰਗ ਦੇ ਪੀੜਤਾਂ ਲਈ ਕੋਵਿਡ-19 ਤੋਂ ਬਚਾਅ ਲਈ ਉਠਾਏ ਜਾ ਰਹੇ ਕਦਮਾਂ ਕਾਰਨ ਇਕੱਠੇ ਵੀ ਨਹੀਂ ਹੋਇਆ ਜਾ ਸਕਦਾ।
