8.81C Vancouver 8.81C VancouverApr 29, 2020 8:31 PM -
ਬ੍ਰਿਟਿਸ਼ ਕੋਲੰਬੀਆ 'ਚ 2 ਹੋਰ ਪੋਲਟਰੀ ਪ੍ਰੋਸੈਸਿੰਗ ਪਲਾਂਟ ਆਪਣੇ ਵਰਕਰਾਂ ਦੇ ਕੋਵਿਡ-19 ਨਾਲ ਪੀੜਤ ਹੋਣ ਦੀ ਪੁਸ਼ਟੀ ਕਰ ਰਹੇ ਹਨ।
ਪੋਰਟ ਕੋਕਟਲਮ 'ਚ ਸੋਫੀਨਾ ਫੂਡਸ ਅਤੇ ਚਿਲਿਵੈਕ 'ਚ ਫਰੇਜ਼ਰ ਵੈਲੀ ਸਪੈਸ਼ੈਲਟੀ ਪੋਲਟਰੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀਆਂ ਫੈਸਿਲਿਟੀਆਂ 'ਚ ਇੱਕ-ਇੱਕ ਕਾਮੇ ਨੂੰ ਵਾਇਰਸ ਤੋਂ ਪੀੜਤ ਪਾਇਆ ਗਿਆ ਹੈ।
ਸੋਫੀਨਾ ਫੂਡਸ ਨੇ ਆਪਣੇ ਇੱਕ ਬਿਆਨ 'ਚ ਆਖਿਆ ਕਿ ਉਨ੍ਹਾਂ ਦਾ ਕਰਮਚਾਰੀ ਕੁਝ ਰਿਸ਼ਤੇਦਾਰਾਂ ਨਾਲ ਰਹਿੰਦਾ ਹੈ ਜੋ ਕਿ ਹੋਰ ਪੋਲਟਰੀ 'ਚ ਕੰਮ ਕਰਦੇ ਹਨ, ਜਿਸਨੂੰ ਕਿ ਹਾਲ 'ਚ ਕਈ ਵਾਇਰਸ ਸੰਬੰਧੀ ਮਾਮਲੇ ਸਾਹਮਣੇ ਆਉਣ ਕਾਰਨ ਬੰਦ ਕੀਤਾ ਗਿਆ ਹੈ।
ਇਸ ਕੰਪਨੀ ਨਾਲ 400 ਕਰਮਚਾਰੀ ਕੰਮ ਕਰਦੇ ਹਨ, ਅਤੇ ਕੰਪਨੀ ਦਾ ਕਹਿਣਾ ਹੈ ਕਿ ਪਲਾਂਟ ਪੂਰੀ ਤਰ੍ਹਾਂ ਆਪ੍ਰੇਸ਼ਨਲ ਹੈ।
ਕੰਪਨੀ ਦਾ ਕਹਿਣਾ ਹੈ ਕਿ ਡਿਸਇਨਫੈਕਸ਼ਨ ਪ੍ਰੋਟੋਕੌਲ ਅਤੇ ਫਿਜੀਕਲ ਡਿਸਟੈਨਸਿੰਗ ਦਾ ਪੂਰਾ ਧਿਆਨ ਦਿੱਤਾ ਜਾ ਰਿਹਾ ਹੈ।
ਫਰੇਜ਼ਰ ਵੈਲੀ ਸਪੈਸ਼ੈਲਟੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦਾ ਪਾਜੀਟਿਵ ਪਾਇਆ ਗਿਆ ਕਰਮਚਾਰੀ ਬੀਤੇ ਸ਼ੁੱਕਰਵਾਰ ਤੋਂ ਹੀ ਫਲੂ ਜਿਹੇ ਲੱਛਣਾਂ ਕਾਰਨ ਕੰਮ 'ਤੇ ਨਹੀਂ ਆ ਰਿਹਾ ਸੀ।
