7.34C Vancouver 7.34C VancouverFeb 6, 2020 11:30 PM -
ਬੀ.ਸੀ. 'ਚ 2 ਹੋਰ ਕੋਰੋਨਾ ਵਾਇਰਸ ਸੰਬੰਧੀ ਮਾਮਲਿਆਂ ਦੀ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ।
ਇਹ ਦੋ ਨਵੇਂ ਮਾਮਲੇ, ਇਸੇ ਹਫਤੇ ਪਹਿਲਾਂ ਪਾਜੀਟਿਵ ਪਾਈ ਗਈ ਮਹਿਲਾ ਨਾਲ ਸੰਬੰਧਤ ਹਨ।
ਜਿਵੇਂ ਕਿ ਪਹਿਲਾਂ ਦੱਸਿਆ ਗਿਆ ਸੀ ਕਿ ਜਿਸ ਦੂਜੇ ਮਾਮਲੇ ਦੀ ਸੂਬੇ 'ਚ ਪੁਸ਼ਟੀ ਹੋਈ ਸੀ, ਉਨ੍ਹਾਂ ਦੇ ਕੁਝ ਪਰਿਵਾਰਿਕ ਮੈਂਬਰ ਚੀਨ ਦੇ ਕੋਰੋਨਾ ਵਾਇਰਸ ਪ੍ਰਭਾਵਿਤ ਇਲਾਕੇ ਤੋਂ ਮਿਲਣ ਆਏ ਹੋਏ ਸਨ।
ਉਨ੍ਹਾਂ ਨੂੰ ਮਾਨੀਟਰ ਕੀਤਾ ਜਾ ਰਿਹਾ ਸੀ।
ਅਧਿਕਾਰੀਆਂ ਨੇ ਪੁਸ਼ਟੀ ਕੀਤੀ ਕਿ ਇਹ ਦੋਨੇ ਨਵੇਂ ਮਾਮਲੇ, ਓਹੀ ਪਰਿਵਾਰਿਕ ਮੈਂਬਰ ਹਨ, ਅਤੇ ਹਾਲ ਦੀ ਘੜੀ ਇਨ੍ਹਾਂ ਨੂੰ ਘਰ ਵਿੱਚ ਹੀ ਇਕੱਲਿਆਂ ਨੂੰ ਰੱਖਿਆ ਗਿਆ ਹੈ।
ਕੋਰੋਨਾ ਵਾਇਰਸ ਸੰਬੰਧੀ ਅਹਿਮ ਅਪਡੇਟ ਪ੍ਰਦਾਨ ਕਰਨ ਲਈ ਅੱਜ, ਵਿਕਟੋਰੀਆ 'ਚ 2.30 ਵਜੇ, ਸੂਬਾਈ ਸਿਹਤ ਅਫਸਰ, ਡਾ. ਬੌਨੀ ਹੈਨਰੀ ਅਤੇ ਸਿਹਤ ਮੰਤਰੀ ਐਡਰੀਅਨ ਡਿਕਸ ਨੇ ਮੀਡੀਆ ਨਾਲ ਗੱਲਬਾਤ ਕੀਤੀ ਹੈ।
ਦੋਨਾਂ ਅਧਿਕਾਰੀਆਂ ਨੇ ਇਸਤੇ ਵੀ ਜ਼ੋਰ ਦਿੱਤਾ ਕਿ, ਜੇਕਰ ਕਿਸੇ ਦੇ ਬਿਮਾਰੀ ਵਰਗੇ ਹਾਲਾਤ ਹਨ, ਤਾਂ ਘਰ 'ਚ ਹੀ ਰਿਹਾ ਜਾਵੇ, ਅਤੇ ਸਕੂਲ ਜਾਂ ਕੰਮ 'ਤੇ ਜਾਣ ਤੋਂ ਪਰਹੇਜ ਕੀਤਾ ਜਾਵੇ।
ਇਸਤੋਂ ਪਹਿਲਾਂ ਬੀ.ਸੀ. ਵਿੱਚ 2 ਅਤੇ ਔਂਟੈਰੀਓ 'ਚ 3 ਕੋਰੋਨਾ ਵਾਇਰਸ ਸੰਬੰਧੀ ਪਾਜੀਟਿਵ ਪਾਏ ਗਏ ਮਾਮਲੇ ਉਜਾਗਰ ਹੋਏ ਸਨ।
