13.59C Vancouver 13.59C VancouverJul 17, 2020 10:36 PM -
ਬੀ.ਸੀ. 'ਚ ਕੋਵਿਡ-19 ਦੇ ਦੋ ਨਵੇਂ ਆਊਟਬ੍ਰੇਕਸ ਦੀ ਜਾਣਕਾਰੀ ਸਾਹਮਣੇ ਆਈ ਹੈ।
ਇਸ ਦੇ ਵਿੱਚ ਇੱਕ ਆਊਟਬ੍ਰੇਕ ਵੈਨਕੂਵਰ ਦੇ ਇੱਕ ਹਸਪਤਾਲ ਦੇ ਨਵਜੰਮੇ ਬੱਚਿਆਂ ਦੇ ਆਈ.ਸੀ.ਯੂ. 'ਚ ਦਰਜ ਕੀਤਾ ਗਿਆ ਹੈ।
ਦੂਜਾ ਆਊਟਬ੍ਰੇਕ ਇੱਕ ਵੱਡੇ ਹਾਈਡ੍ਰੋਇਲੈਕਟ੍ਰਿਕ ਪ੍ਰੋਜੈਕਟ ਨਾਲ ਜੁੜਿਆ ਦੱਸਿਆ ਗਿਆ ਹੈ।
ਵੈਨਕੂਵਰ ਕੋਸਟਲ ਹੈਲਥ ਨੇ ਵੈਨਕੂਵਰ ਦੇ ਡਾਊਨਟਾਊਨ 'ਚ ਸੇਂਟ ਪੌਲ ਹਸਪਤਾਲ 'ਚ ਸਾਹਮਣੇ ਆਈ ਆਊਟਬ੍ਰੇਕ ਬਾਰੇ ਨੋਟਿਸ ਜਾਰੀ ਕੀਤਾ ਗਿਆ ਹੈ।
ਕਈ ਮਰੀਜ਼ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਇਸ ਮਾਮਲੇ 'ਚ ਸੰਪਰਕ 'ਚ ਆਇਆ ਮੰਨਿਆ ਜਾ ਰਿਹਾ ਹੈ।
ਇਨ੍ਹਾਂ ਨੂੰ ਆਈਸੋਲੇਸ਼ਨ 'ਚ ਰੱਖਿਆ ਗਿਆ ਹੈ। ਬੀ.ਸੀ. ਹਾਈਡ੍ਰੋ ਦਾ ਕਹਿਣਾ ਹੈ ਕਿ ਐਲਬਰਟਾ ਤੋਂ ਆਏ ਇੱਕ ਕਰਮਚਾਰੀ ਨੂੰ ਵਾਇਰਸ ਤੋਂ ਪੀੜਤ ਪਾਇਆ ਗਿਆ ਹੈ।
ਇਸ ਵਰਕਰ ਨੇ ਸੋਮਵਾਰ ਨੂੰ ਫੋਰਟ ਸੇਂਟ ਜੌਨ ਦੇ ਸਾਈਟ ਸੀ ਵਰਕ ਕੈਂਪ 'ਤੇ ਪਹੁੰਚ ਕੀਤੀ ਸੀ।
ਇਹ ਵਰਕਰ ਵੀ ਇਕੱਲੇ 'ਚ ਰਹਿ ਰਿਹਾ ਹੈ।
