25.37C Vancouver 25.37C VancouverOct 1, 2020 10:14 PM -
ਮੈਟਰੋ ਵੈਨਕੂਵਰ ਦੇ ਦੋ ਲੋਕਾਂ 'ਤੇ ਵਿਦੇਸ਼ੀ ਲੋਕਾਂ ਨਾਲ ਮਿਲ ਕੇ ਕੈਨੇਡਾ 'ਚ ਝੂਠੇ ਰੈਫਿਊਜੀ ਪ੍ਰੋਟੈਕਸ਼ਨ ਕਲੇਮ ਦਾਖਿਲ ਕਰਨ ਦੇ ਇਲਜ਼ਾਮ ਲੱਗੇ ਹਨ।
ਕੈਨੇਡਾ ਬਾਰਡਰ ਸਰਵਿਸਿਜ਼ ਏਜੈਂਸੀ ਦਾ ਕਹਿਣਾ ਹੈ ਕਿ ਡੈਲਟਾ ਦੇ ਰਾਜਰ ਭੱਟੀ ਅਤੇ ਵੈਨਕੂਵਰ ਤੋਂ ਸੋਫੀਏਨ ਦਾਹਕ 'ਤੇ ਦੋ ਦਰਜਨ ਤੋਂ ਵਧੇਰੇ ਦੋਸ਼ ਲੱਗੇ ਹਨ।
ਇਸ 'ਚ ਧੋਖਾਧੜੀ, ਕਾਊਂਸਲਿੰਗ ਸੰਬੰਧੀ ਤੱਥਾਂ ਦੀ ਗਲਤ ਜਾਣਕਾਰੀ, ਅਤੇ ਝੂਠੇ ਦਸਤਾਵੇਜ਼ਾਂ ਦਾ ਇਸਤੇਮਾਲ ਕਰਨ ਜਿਹੇ ਦੋਸ਼ ਸ਼ਾਮਿਲ ਹਨ।
ਏਜੈਂਸੀ ਦਾ ਕਹਿਣਾ ਹੈ ਕਿ ਇਨ੍ਹਾਂ ਗਤੀਵਿਧੀਆਂ 'ਚ ਸੈਂਟਰਲ ਯੂਰੋਪ ਤੋਂ ਆਉਂਦੇ ਲੋਕ ਸ਼ਾਮਿਲ ਸਨ, ਅਤੇ ਇਹ ਮਾਮਲੇ 2002 ਤੋਂ 2014 ਦੇ ਵਿਚਾਲੇ ਦੇ ਹਨ।
ਇੱਕ ਨਿਊਜ਼ ਰਿਲੀਜ਼ 'ਚ ਜਾਣਕਾਰੀ ਦਿੱਤੀ ਗਈ ਕਿ ਜਦ ਇਹ ਮਾਮਲੇ ਵਾਪਰੇ ਤਾਂ ਉਸ ਵੇਲੇ, 61 ਸਾਲਾ ਰਾਜਰ ਭੱਟੀ ਇੱਕ ਵਕੀਲ ਸਨ, ਜਦਕਿ 52 ਸਾਲਾ ਦਾਹਕ ਇੱਕ ਇੰਟਰਪ੍ਰੈਟਰ ਸਨ।
ਏਜੈਂਸੀ ਵੱਲੋਂ ਸਬੂਤਾਂ ਦਾ ਰੀਵਿਊ ਉਸ ਵੇਲੇ ਸ਼ੁਰੂ ਕੀਤਾ ਗਿਆ ਸੀ, ਜਦ 2012 'ਚ ਸਾਹਮਣੇ ਆਇਆ ਸੀ ਕਿ ਇਨ੍ਹਾਂ 'ਚ ਬਹੁਤੇ ਕਲੇਮੈਂਟ ਰੈਫਿਊਜੀ ਨਹੀਂ ਸਨ, ਅਤੇ ਉਨ੍ਹਾਂ ਨੂੰ ਕੈਨੇਡਾ ਤੋਂ ਭੇਜ ਦਿੱਤਾ ਗਿਆ ਸੀ।
ਇਲਜ਼ਾਮਾਂ ਦਾ ਸਾਹਮਣਾ ਕਰ ਰਹੇ ਭੱਟੀ ਅਤੇ ਦਾਹਕ ਨੂੰ 6 ਅਕਤੂਬਰ ਨੂੰ ਸਰੀ ਪ੍ਰੋਵਿੰਸ਼ੀਅਲ ਕੋਰਟ 'ਚ ਪੇਸ਼ ਕੀਤਾ ਜਾਵੇਗਾ।
