17.89C Vancouver 17.89C VancouverJan 8, 2025 5:51 PM - The Canadian Press
ਕੈਨੇਡਾ ਖਿਲਾਫ ਟਰੰਪ ਦੇ ਬਿਆਨਾਂ ਵਿਚਕਾਰ ਕਿਊਬੈਕ ਦੇ ਦੋ ਪਾਣੀ ਦੇ ਜਹਾਜ਼ ਕੈਲੀਫੋਰਨੀਆ ਵਿਚ ਹਨ ਜੋ-ਲਾਸ ਏਂਜਲਸ ਖੇਤਰ ਦੇ ਜੰਗਲਾਂ ਵਿਚ ਲੱਗੀ ਭਾਰੀ ਅੱਗ ਨੂੰ ਬੁਝਾਉਣ ਵਿਚ ਮਦਦ ਕਰ ਰਹੇ ਹਨ। ਕਿਊਬੈਕ ਦੀ ਜੰਗਲ ਅੱਗ ਸੁਰੱਖਿਆ ਏਜੰਸੀ ਨੇ ਹਾਲਾਂਕਿ, ਦੱਸਿਆ ਕਿ ਸਾਲਾਨਾ ਇਕਰਾਰਨਾਮਾ ਤਹਿਤ ਹਰ ਫਾਲ ਵਿਚ ਦੋ ਵਾਟਰ ਬੰਬਰ ਹਰ ਸਾਲ ਅਮਰੀਕਾ ਭੇਜੇ ਜਾਂਦੇ ਹਨ।
ਇਸ ਵਿਚ ਇੱਕ ਪਾਇਲਟ, ਇੱਕ ਸੀ.ਓ. ਪਾਇਲਟ ਅਤੇ ਤਕਨੀਸ਼ੀਅਨ ਹੁੰਦਾ ਹੈ। ਦੱਸ ਦੇਈਏ ਕਿ ਮੌਜੂਦਾ ਸਮੇਂ ਲਾਸ ਏਂਜਲਸ ਖੇਤਰ ਵਿਚ ਹਜ਼ਾਰਾਂ ਫਾਇਰਫਾਈਟਰਜ਼ ਘੱਟੋ-ਘੱਟ ਚਾਰ ਅੱਗਾਂ ਨਾਲ ਨਜਿੱਠ ਰਹੇ ਹਨ। ਇਸ ਵਿਚ ਘੱਟੋ-ਘੱਟ ਦੋ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ ਅਤੇ 1,000 ਤੋਂ ਵੱਧ ਇਮਾਰਤਾਂ ਤਬਾਹ ਹੋ ਚੁੱਕੀਆਂ ਹਨ।
ਕਿਊਬੈਕ ਦੇ ਜਨਤਕ ਸੁਰੱਖਿਆ ਮੰਤਰੀ ਫਰਾਂਸਵਾ ਬੋਨਾਰਡੇਲ ਨੇ ਸੋਸ਼ਲ ਮੀਡੀਆ ਪੋਸਟ ਵਿਚ ਕੈਲੀਫੋਰਨੀਆ ਦੇ ਰਾਜਪਾਲ ਨੂੰ ਸੰਬੋਧਨ ਕਰਦੇ ਕਿਹਾ ਕਿ ਜੇ ਲੋੜ ਹੋਈ ਤਾਂ ਕਿਊਬੈਕ ਦੇ ਅੱਗ ਬੁਝਾਉਣ ਵਾਲੇ ਭੇਜਣ ਲਈ ਤਿਆਰ ਹੈ।
