13.25C Vancouver 13.25C VancouverOct 15, 2025 5:09 PM - Connect Newsroom
ਇੰਗਲੈਂਡ ਦੇ ਬਰਮਿੰਘਮ ਸ਼ਹਿਰ ਦੇ 42 ਸਾਲਾ ਵਿਅਕਤੀ ਨੂੰ ਕਿਊਬੈਕ ਸਿਟੀ ’ਚ ਇੱਕ 16 ਸਾਲਾ ਬ੍ਰਿਟਿਸ਼ ਲੜਕੀ ਦੇ ਲਾਪਤਾ ਹੋਣ ਦੇ ਮਾਮਲੇ ਨਾਲ ਸਬੰਧਤ ਦੋਸ਼ਾਂ ’ਚ ਗ੍ਰਿਫ਼ਤਾਰ ਕੀਤਾ ਗਿਆ ਹੈ।
ਕਿਊਬੈਕ ਸਿਟੀ ਪੁਲਿਸ ਨੇ ਉਸ ਵਿਅਕਤੀ ਨੂੰ ਸੋਮਵਾਰ ਨੂੰ ਮੌਂਟਮੋਰੈਂਸੀ ਫਾਲਜ਼ ਨੇੜੇ ਗ੍ਰਿਫ਼ਤਾਰ ਕੀਤਾ, ਜੋ ਸ਼ਹਿਰ ਦਾ ਪ੍ਰਸਿੱਧ ਸੈਰ-ਸਪਾਟਾ ਸਥਾਨ ਹੈ। ਇਹ ਕਾਰਵਾਈ ਇੰਗਲੈਂਡ ਦੀ ਵੈਸਟ ਮਿਡਲੈਂਡਜ਼ ਪੁਲਿਸ ਦੀ ਅਪੀਲ ’ਤੇ ਕੀਤੀ ਗਈ ਸੀ। ਪੁਲਿਸ ਦਾ ਕਹਿਣਾ ਹੈ ਕਿ ਲੜਕੀ ਉਸ ਸਮੇਂ ਦੋਸ਼ੀ ਦੇ ਨਾਲ ਸੀ ਅਤੇ ਉਸਦੀ ਸਰੀਰਕ ਸਿਹਤ ਚੰਗੀ ਹੈ।
ਇਸ ਗ੍ਰਿਫਤਾਰੀ ਵਿੱਚ ਯੂਕੇ ਵਿੱਚ ਪੁਲਿਸ, ਆਰਸੀਐਮਪੀ, ਇੰਟਰਪੋਲ, ਕੈਨੇਡਾ ਬਾਰਡਰ ਸਰਵਿਸਿਜ਼ ਏਜੰਸੀ ਅਤੇ ਕਿਊਬਿਕ ਸੂਬਾਈ ਪੁਲਿਸ ਵਿਚਕਾਰ ਸਹਿਯੋਗ ਸ਼ਾਮਲ ਸੀ।
ਕ੍ਰਾਊਨ ਨੇ ਮੰਗਲਵਾਰ ਨੂੰ ਅਦਾਲਤ ਵਿੱਚ ਪੇਸ਼ੀ ਦੌਰਾਨ ਵਿਅਕਤੀ ਦੀ ਰਿਹਾਈ 'ਤੇ ਇਤਰਾਜ਼ ਜਤਾਇਆ, ਅਤੇ ਉਹ ਸ਼ੁੱਕਰਵਾਰ ਨੂੰ ਆਪਣੀ ਅਗਲੀ ਅਦਾਲਤ ਵਿੱਚ ਪੇਸ਼ੀ ਤੱਕ ਹਿਰਾਸਤ ਵਿੱਚ ਹੈ।
