ਅਮਰੀਕਾ ਦੀਆਂ ਟੈਰਿਫ ਧਮਕੀਆਂ ਕਾਰਨ ਬਜਟ ਹੋਵੇਗਾ ਚੁਣੋਤੀਪੂਰਨ: ਐਲਬਰਟਾ ਸਰਕਾਰ

ਐਲਬਰਟਾ ਸਰਕਾਰ ਅੱਜ ਬਜਟ 2025 ਪੇਸ਼ ਕਰਨ ਜਾ ਰਹੀ ਹੈ। ਸੂਬੇ ਦੇ ਵਿੱਤ ਮੰਤਰੀ ਨੈਟ ਹਾਰਨਰ ਦੁਪਹਿਰ ਸਮੇਂ ਬਜਟ ਲੈ ਕੇ ਆਉਣਗੇ। ਬੀਤੇ ਦਿਨ ਉਨ੍ਹਾਂ ਨੇ ਕਿਹਾ ਸੀ ਕਿ ਐਲਬਰਟਾ ਵਿਚ ਬਜਟ ਹਮੇਸ਼ਾ ਚੁਣੌਤੀਪੂਰਣ ਹੁੰਦਾ ਹੈ ਪਰ ਇਸ ਵਾਰ ਅਮਰੀਕਾ ਦੀਆਂ ਟੈਰਿਫ ਧਮਕੀਆਂ ਕਾਰਨ ਚੁਣੌਤੀ ਹੋਰ ਵਧੀ ਹੈ।

ਇਸ ਤੋਂ ਪਹਿਲਾਂ ਹਾਰਨਰ ਨੇ ਚਿਤਾਵਨੀ ਦਿੱਤੀ ਸੀ ਕਿ ਉਹ ਬਜਟ ਵਾਲੇ ਦਿਨ ਘਾਟੇ ਬਾਰੇ ਚਰਚਾ ਹੋਵੇਗੀ ਕਿਉਂਕਿ ਤੇਲ ਦੀਆਂ ਕੀਮਤਾਂ ਪਿਛਲੇ ਬਜਟ ਦੇ ਅਨੁਮਾਨ ਤੋਂ ਹੇਠਾਂ ਰਹੀਆਂ ਹਨ।

ਸੂਬੇ ਦੀ ਜਨਸੰਖਿਆ ਵੀ ਤੇਜ਼ੀ ਨਾਲ ਵਧੀ ਹੈ ਜਿਸ ਕਾਰਨ ਟੈਕਸ ਵਧਣ ਦੇ ਬਾਵਜੂਦ ਬਹੁਤ ਸਾਰੀਆਂ ਸਰਵਿਸਸ ਘਾਟੇ ਵਿਚ ਹਨ। ਅਮਰੀਕਾ ਵਲੋਂ ਟੈਰਿਫ ਨੂੰ ਅਪ੍ਰੈਲ ਤੱਕ ਟਾਲ ਦਿੱਤਾ ਗਿਆ ਹੈ ਪਰ ਅਜੇ ਵੀ ਇਹ ਚਿੰਤਾ ਦਾ ਵਿਸ਼ਾ ਬਣਿਆ ਹੈ। ਸੂਬੇ ਦੇ ਵਿਰੋਧੀ ਧਿਰ ਦੇ ਵਿੱਤ ਆਲੋਚਕ ਨੇ ਕਿਹਾ ਕਿ ਬਜਟ ਆਮ ਲੋਕਾਂ ਲਈ ਬੋਝ ਹੀ ਲੈ ਕੇ ਆਵੇਗਾ।