16.24C Vancouver 16.24C VancouverSep 14, 2020 3:39 PM -
ਐਨਵਾਇਰਮੈਂਟ ਕੈਨੇਡਾ ਮੁਤਾਬਕ ਅਮਰੀਕਾ ਦੇ ਵਿੱਚ ਲੱਗੀਆਂ ਜੰਗਲੀ ਅੱਗਾਂ ਅਤੇ ਧੂੰਏਂ ਕਾਰਨ ਜਾਰੀ ਕੀਤੀਆਂ ਗਈਆਂ 'ਏਅਰ ਕੁਆਲਿਟੀ ਐਡਵਾਈਜ਼ਰੀਆਂ ਹੁਣ ਬ੍ਰਿਟਿਸ਼ ਕੋਲੰਬੀਆ ਤੋਂ ਇਲਾਵਾ ਐਲਬਰਟਾ ਦੇ ਵਿੱਚ ਵੀ ਲਾਗੂ ਹੋ ਗਈਆਂ ਹਨ।
ਹਵਾ ਦੀ ਗੁਣਵੱਤਾ ਦੇ ਸੰਬੰਧ ਵਿੱਚ ਐਡਵਾਈਜ਼ਰੀ ਐਲਬਰਟਾ ਦੇ ਦੱਖਣ ਪੱਛਮੀ ਹਿੱਸੇ ਦੇ ਚਾਰ ਇਲਾਕਿਆਂ ਵਿੱਚ ਜਾਰੀ ਕੀਤੀ ਗਈ ਹੈ ਅਤੇ ਇਸ ਨੂੰ ਹੋਰ ਇਲਾਕਿਆਂ ਲਈ ਵੀ ਜਾਰੀ ਕਰਨ ਦਾ ਅਨੁਮਾਨ ਹੈ।
ਮੰਗਲਵਾਰ ਤੱਕ ਬ੍ਰਿਟਿਸ਼ ਕੋਲੰਬੀਆ ਵਿੱਚ ਸੰਘਣਾ ਧੂੰਆਂ ਫੈਲੇ ਰਹਿਣ ਦਾ ਅੰਦਾਜ਼ਾ ਹੈ।
ਏਅਰ ਕੁਆਲਿਟੀ ਮਾਪਣ ਵਾਲਾ ਇੰਡੈਕਸ 1 ਤੋਂ 10 ਦੇ ਰੈਂਕ ਦੀ ਵਰਤੋਂ ਕਰਦਾ ਹੈ ਜਿਸ ਵਿੱਚ ਬੀ.ਸੀ. ਦੇ ਜ਼ਿਆਦਾਤਰ ਇਲਾਕਿਆਂ ਵਿੱਚ ਛਾਏ ਸੰਘਣੇ ਧੂੰਏਂ ਕਾਰਨ ਹਵਾ ਦੀ ਗੁਣਵੱਤਾ ਇਸ ਵਕਤ 10 ਤੋਂ ਵੱਧ ਹੈ।
ਵਿਕਟੋਰੀਆ, ਵੈਨਕੂਵਰ, ਕਲੋਨਾ, ਕੈਮਲੂਪਸ ਅਤੇ ਕੂਟਨੀ ਇਲਾਕੇ ਵਿੱਚ ਧੁੰਦ ਵਰਗਾ ਧੂੰਆਂ ਅਸਮਾਨ ਵਿੱਚ ਛਾਇਆ ਹੋਇਆ ਹੈ।
ਵਾਸ਼ਿੰਗਟਨ, ਓਰੀਗਨ ਅਤੇ ਕੈਲੀਫੋਰਨੀਆ ਵਿੱਚ ਲੱਗੀਆਂ ਖ਼ਤਰਨਾਕ ਜੰਗਲੀ ਅੱਗਾਂ ਕਾਰਨ ਭਾਰੀ ਜਾਨੀ ਮਾਲੀ ਨੁਕਸਾਨ ਹੋਇਆ ਹੈ ਅਤੇ ਹੁਣ ਤੱਕ 35 ਵਿਅਕਤੀ ਮਾਰੇ ਜਾ ਚੁੱਕੇ ਹਨ।
