13.82C Vancouver 13.82C VancouverSep 26, 2025 2:11 PM - The Canadian Press
ਕੈਨੇਡਾ ਭਰ ਵਿਚ 55,000 ਦੇ ਲਗਭਗ ਪੋਸਟਲ ਵਰਕਰਾਂ ਦੀ ਹੜਤਾਲ ਕਾਰਨ ਡਾਕ ਸਬੰਧੀ ਸੇਵਾਵਾਂ ਪ੍ਰਭਾਵਿਤ ਹੋਣ ਦੀ ਸੰਭਾਵਨਾ ਹੈ। ਫੈਡਰਲ ਸਰਕਾਰ ਵਲੋਂ ਬੀਤੇ ਕੱਲ੍ਹ ਕੈਨੇਡਾ ਪੋਸਟ ਵਿਚ ਵੱਡੇ ਸੁਧਾਰਾਂ ਦਾ ਐਲਾਨ ਕਰਨ ਤੋਂ ਕੁਝ ਘੰਟਿਆਂ ਬਾਅਦ ਹੀ ਯੂਨੀਅਨ ਨੇ ਹੜਤਾਲ ਸ਼ੁਰੂ ਕਰ ਦਿੱਤੀ ਸੀ, ਜਿਸ ਵਿਚ ਕ੍ਰਾਊਨ ਕਾਰਪੋਰੇਸ਼ਨ ਨੂੰ ਹੋਮ ਡਿਲਿਵਰੀ ਖਤਮ ਕਰਨ ਤੇ ਕੁਝ ਪੇਂਡੂ ਡਾਕ ਆਊਟਲੈੱਟ ਬੰਦ ਕਰਨ ਦੀ ਇਜਾਜ਼ਤ ਦਿੱਤੀ ਗਈ ਹੈ।
ਕੈਨੇਡਾ ਪੋਸਟ ਦੀ ਇਸ ਤਹਿਤ ਅਗਲੇ 10 ਸਾਲਾਂ ਵਿਚ ਲਗਭਗ ਸਾਰੇ ਘਰਾਂ ਲਈ ਡੋਰ-ਟੂ-ਡੋਰ ਮੇਲ ਡਿਲਿਵਰੀ ਬੰਦ ਕਰਨ ਦੀ ਯੋਜਨਾ ਹੈ। ਫੈਡਰਲ ਖਰੀਦ ਮੰਤਰੀ ਜੋਏਲ ਲਾਈਟਬਾਉਂਡ- ਦਾ ਕਹਿਣਾ ਸੀ ਕਿ ਇਹ ਕਦਮ ਕੈਨੇਡਾ ਪੋਸਟ ਦੀ ਪੱਤਰ ਮੇਲ ਅਤੇ ਪਾਰਸਲ ਮਾਰਕੀਟ ਵਿਚ ਗਿਰਾਵਟ ਦੇ ਮੱਦੇਨਜ਼ਰ ਇਸ ਦੀ ਵਿੱਤੀ ਸਥਿਤੀ ਨੂੰ ਸਥਿਰ ਕਰਨ ਦੇ ਉਦੇਸ਼ ਨਾਲ ਕੀਤੇ ਗਏ ਵੱਡੇ ਬਦਲਾਵਾਂ ਵਿਚੋਂ ਇੱਕ ਹੈ।
ਉਥੇ ਹੀ ਯੂਨੀਅਨ ਨੇ ਦੋਸ਼ ਲਗਾਇਆ ਕਿ ਕੈਨੇਡਾ ਪੋਸਟ ਅਤੇ ਸਰਕਾਰ ਇਸ ਤਰ੍ਹਾਂ ਦਾ ਮਾਹੌਲ ਬਣਾ ਰਹੇ ਹਨ ਜਿਸ ਨਾਲ ਇਨ੍ਹਾਂ ਦੋਵਾਂ ਸਰਵਿਸਸ ਦੀ ਮੰਗ ਵਿਚ ਕਮੀ ਆਈ ਹੈ। ਕੈਨੇਡਾ ਪੋਸਟ ਦੀ ਬੁਲਾਰਾ ਲੀਜ਼ਾ ਲਿਊ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਹੜਤਾਲ ਦੌਰਾਨ ਕੋਈ ਵੀ ਨਵੀਂ ਡਾਕ ਸਵੀਕਾਰ ਨਹੀਂ ਕੀਤੀ ਜਾਵੇਗੀ।
