31.13C Vancouver 31.13C VancouverMar 4, 2020 9:19 PM -
ਹੈਲੀਫੈਕਸ ਤੋਂ ਲੈਕੇ ਵਿੱਕਟੋਰੀਆ ਤਕ ਕਈ ਜਗ੍ਹਾ 'ਤੇ ਯੂਨੀਵਰਸਿਟੀ ਵਿਦਿਆਰਥੀਆਂ ਵੱਲੋਂ ਰੈਲੀਆਂ ਦਾ ਪ੍ਰਬੰਧ ਕੀਤਾ ਜਾ ਰਿਹਾ ਹੈ, ਅਤੇ ਅਜਿਹਾ ਵੈਟ'ਸੁਵੈਟ'ਐਨ ਹੈਰੀਡਿਟਰੀ ਚੀਫਸ ਦੇ ਲਈ ਸਹਿਯੋਗ ਦਰਸ਼ਾਉਣ ਲਈ ਕੀਤਾ ਜਾ ਰਿਹਾ ਹੈ।
ਇਹ ਪ੍ਰਦਰਸ਼ਨ 'ਇੰਡੀਜਨਸ ਯੂਥ ਫਾਰ ਵੈਟ'ਸੁਵੈਟ'ਐਨ' ਨਾਮ ਦੇ ਗਰੁੱਪ ਵੱਲੋਂ ਕੀਤੇ ਜਾ ਰਹੇ ਹਨ।
ਇਸ ਗਰੁੱਪ ਦੇ ਮੈਂਬਰਾਂ ਨੇ ਪਹਿਲਾਂ ਹੀ ਬੀ.ਸੀ. ਵਿਧਾਨ ਸਭਾ ਦੀਆਂ ਪੌੜੀਆਂ 'ਚ ਵੀ ਡੇਰੇ ਲਗਾ ਕੇ ਰੱਖੇ ਸਨ।
ਗਰੁੱਪ ਨੇ ਇੱਕ ਬਿਆਨ ਜਾਰੀ ਕੀਤਾ ਕਿ 32 ਤੋਂ ਵਧੇਰੇ ਯੂਨੀਵਰਸਿਟੀਆਂ ਅਤੇ ਕਈ ਹਾਈ ਸਕੂਲਸ ਨੇ ਅੱਜ ਦੀਆਂ ਰੈਲੀਆਂ 'ਚ ਹਿੱਸਾ ਲੈਣ ਲਈ ਹਾਮੀ ਭਰੀ ਹੈ।
ਸੋਸ਼ਲ ਮੀਡੀਆ 'ਤੇ ਉਜਾਗਰ ਹੋਈਆਂ ਕੁਝ ਪੋਸਟਸ ਵਿੱਚ ਵਿਦਿਆਰਥੀਆਂ ਨੂੰ ਹੈਲੀਫੈਕਸ, ਕਿੰਗਸਟਨ ਅਤੇ ਲੰਡਨ 'ਚ ਮਾਰਚ ਕਰਦੇ ਵੇਖਿਆ ਜਾ ਸਕਦਾ ਹੈ।
ਅੱਜ ਬਰਨਬੀ 'ਚ ਵੀ ਐਸ.ਐਫ.ਯੂ. ਕੈਂਪਸ 'ਚ ਪ੍ਰਦਰਸ਼ਨ ਕੀਤਾ ਜਾ ਰਹੇ ਹਨ।
ਯੂਨੀਵਰਸਿਟੀ ਆਫ ਵਿਕਟੋਰੀਆ ਦੇ ਵਿਦਿਆਰਥੀ ਵੀ ਅੱਜ ਵਿਧਾਨ ਸਭਾ 'ਚ ਜਾਰੀ ਪ੍ਰਦਰਸ਼ਨਾਂ 'ਚ ਹਿੱਸਾ ਲੈਣ ਪਹੁੰਚੇ ਸਨ।
ਮਾਮਲਾ ਕੋਸਟਲ ਗੈਸਲਿੰਕ ਪਾਈਪਲਾਈਨ ਦੇ ਵਿਰੋਧ ਨਾਲ ਜੁੜਿਆ ਹੈ।
